DGEMs

Maluk sira mak Kristu hadomi,

Julgamentu Final: Iha Evangelho ohin ko’alia kona-bá “du’ut aat iha toos,” Jesus haklaken katak iha “Julgamentu Final (Loron Ikus)” , ema sira ne’ebé moris tuir Aman nia hakarak, sei manan ksolok rohan la’ek. Maibé, “ema aat sira” ne’ebé revolta “hasouru Maromak”, sei terus Nia Justisa iha kondenasaun rohan la’ek. Reflete; kona-bá, “Se Ha’u moris tuir liafuan foun Salvasaun Jesus nian?

Pe. Philip Heng, S.J.

Aiknanoik mustarda musan no fermentu nian

            36Tuir mai, husik tiha ema lubun boot ne’e, Jesus ba fali uma. Nia eskolante hakbesik ba Nia hodi dehan: “Hanorin mai ami aiknanoik kona ba du’ut aat iha to’os.” 37Nia hatan ba sira: “Ida ne’ebé kuda fini diak mak Oan Mane. 38To’os mak mundu. Fini diak mak reinu nia oan sira. 39Funubalun ne’ebé kuda fini aat mak diabu. Loron ko’a nian mak loron ikus mundu ne’e nian. Sira ne’ebé ko’a mak anju sira. 40Ne’e duni, hanesan sira futu du’ut aat hodi sunu iha ahi, nune’e mos sei mosu wainhira mundu sei to’o nia rohan. 41Oan Mane sei haruka nia anju sira atu hasa’e tiha housi nia reinu sira hotu ne’ebé fo esemplu aat no sira hotu ne’ebé halo aat, 42hodi soe sira ba ahi lakan; iha neba sira sei tanis no ruun nehan. 43Ema diak sira sei nabilan hanesan loron iha sira Aman nia reinu. Ema ne’ebé iha tilun, rona ba!”