17ª Semana Tempu Komun: Segunda-feira, loron 31, fulan Jullu, 2023 July 31, 2023
Reflection on the WORD
Maluk sira mak Kristu hadomi,
Disernimentu iha moris: Iha Evangelho ohin, Jesus haklaken kona-bá “aiknanoik mostarda musan” hodi enfatiza katak Reinu lalehan nian krese neneik iha ita nia-an no bele sai boot no fó mahan boot ba ita nia domin ba Maromak, liu fali ita ema nia kbi’it /kapasidade. Reflete; “Santu Inásiu de Loila hanorin ita atu diserne Maromak Nia prezensa no Nia domin iha ita nia moris lor-loron.”
Pe. Philip Heng, S.J.
Matthew 13:31-35
Aiknanoik mustarda musan no fermentu nian
31Jesus haktuir tan aiknanoik ida ba sira: “Reinu lalehan nian hanesan mustarda musan ida nebe ema kuda iha nia to’os. 32Musan ne’e kiik liu musan sira hotu; maibe boot mai, nia moris boot liu hotu, to’o sai aihun nebe manu sira lalehan nian mai hamahan an iha nia sanak sira.”
33Nia dehan tan aiknanoik seluk ba sira: “Reinu lalehan nian hanesan fermentu nebe feto ida kahur ho farina sasukat tolu, to’o nia sa’e di-diak.”
34Buat ne’e hotu Jesus dehan ba ema lubun boot ho aiknanoik sira; la ho aiknanoik mak Nia la koalia ba sira. 35Nune’e buat nebe uluk profeta dehan sai tuir duni: “Ha’u sei loke Ha’u ibun ho aiknanoik, Ha’u sei haklaken buat sira nebe subar houri mundu hahu.”
Today's Pointers on God's Word
As you read the passage what words, phases or meanings caught your attention?
- · Ita nia fiar Cristan nian presiza sai hanesan mostarda musan ne’ebé krese neneik maibe nafatin. Lor-loron ita presiza koko atu lori ema seluk ba hakbesik-an ba Maromak no Nia Reinu liu hosi ita nia moris nu’udar testemuña real.
- · Reflete kona-bá ita nia moris lor-loron no husu ita nia-an, “Oinsa ha’u inspira ema seluk atu sai hanesan Kristu liu hosi valores Kristu nian? Ha’u nia atitude no hahalok balun hanesan foti-an, egoista, no seluk-seluk tan lori ema dook hosi Maromak?
- · Mai ita reza atu Espíritu Santu ne’ebé hatudu ona dalan no inspira ona santu no santa sira bele mós forma ita lor-loron hodi moris tuir Kristu Nia hanorin sira di’ak liu-tan.