DGEMs

Maluk sarani sira mak Kristu.

Orasaun ka asaun: Iha Evangelho ohin, wainhira Jesus vizita Maria no Marata, Maria tuur hodi rona Jesus, enkuantu Marta preokupa ho ospitalidade atu oferese ba Jesus. Jesus hahí Maria tanba Maria hili hodi tuur no rona Jesus. Reflete; ita prátika ita nia fiar lor-loron ho fuan ne’ebé bele diserne hanesan Maria? Jesus konvida ita atu hadomi Nia pesoalmente no profundamente hanesan Maria.

Pe. Philip Heng, S.J.

Marta no Maria

38Tuir dalan, Jesus to’o knua ida. Feto ida naran Marta simu Nia iha nia uma. 39Marta iha feton ida naran Maria, nebe tur deit iha Jesus nia ain hodi rona Nia koalia. 40Marta fali, nebe la’o ba la’o mai hodi serbisu barak, hakbesik hodi dehan: “Na’i, Ita la hare katak ha’u nia alin husik ha’u serbisu mesa-mesak? Dehan to’ok ba nia atu tulun ha’u.” 41Na’i hatan ba nia: “Marta, Marta, o la’o kole hodi hanoin resin kona ba buat barak; maibe buat ida deit mak folin los. 42Maria hili buat nebe diak liu hotu, nebe ema ida sei la hadau housi nia.”