16ª Semana Tempu Komun: Sesta-feira, loron 28, fulan Jullu, 2023 July 28, 2023
Reflection on the WORD
Maluk sarani sira mak Kristu hadomi,
Pratika Fiar: Iha Evangelho ohin, Jesus dehan ba Nia eskolante sira liu hosi aiknanoik “ema ne’ebé kari fini” katak atu prátika sira nia fiar ho fidelidade boot, sira tenki dezafia sira nia-an rasik, nune’e bele ultrapasa tentasaun sira no ultrapasa buat sira ne’ebé sira kaer metin, iha sira nia moris atu bele serbí Maromak ho kompromisu profundu. Reflete; oinsá ita manan tiha tentasaun sira no prátika ita nia fiar ho fidelidade kreativu?”
Pe. Philip Heng, S.J.
Mt 13:18-23
18“Ne’e duni imi rona di-diak aiknanoik kona ba ema nebe kari fini iha to’os. 19Fini nebe monu iha dalan ninin hanesan ema nebe rona liafuan reinu nian maibe la hatene lolos. Ida nebe aat mai, no hasai buat nebe kuda tiha iha ema nia laran, 20Fini nebe monu iha fatuk laran mak ida nebe rona liafuan hodi simu kedas ho ksolok. 21Maibe tan abut la iha, nia mate lalais; hetan tiha susar eh terus tamba liafuan, nia monu kedas. 22Fini nebe monu iha aitarak laran mak ida nebe rona liafuan maibe knaar sira no rikusoi mundu ne’e nian hanehan liafuan ne’e; halo nia la fo fuan. 23Fini nebe monu iha rai diak mak ida nebe rona liafuan hodi hanoin di-diak: ida ne’e fo fuan dala atus ida, ka ne’en nulu, ka tolu nulu.”
Today's Pointers on God's Word
As you read the passage what words, phases or meanings caught your attention?
- · Jesus Nia aiknanoik sira laos de’it fó sentidu lialós nian, maibé mos fó oportunidade ba ita hodi reflete oinsá lialós ne’e bele aplika iha ita nia moris. Iha tempu ne’ebé hanesan, lialós ne’e sei husik Espíritu Santu Nian inspirasaun haroman ita no haforsa ita.
- · Ita loke-an ba Maromak Nia Futar Liafuan no Lialós ne’ebé ita simu liu hosi ábitu ne’ebé la hanesan hodi dezafia no inspira ita iha ita nia moris lor-loron?
- · Kada rai ne’ebé la hanesan iha aiknanoik ne’ebé Jesus haktuir, dezafia ita atu konxiente liu-tan kona-bá ita nia relasaun ho Na’i Maromak iha tempu prezente. Reflete kona-bá aiknanoik ne’e no ko’alia ho Maromak pesoalmente (hosi fuan ba fuan).