16ª Semana Tempu Komun: Kinta-feira, loron 27, fulan Jullu, 2023 July 27, 2023

Reflection on the WORD

Maluk sira mak Kristu hadomi,

Dom de Fé - moris:Iha Evangelho ohin, Jesus dehan ba Nia eskolante sira katak Nia uza aiknanoik hodi hanorin basá ema lubun boot sira rona no haré maibé la hatene mistériu Maromak Nian. Reflete; se karik ita dezeija atu hatene no hadomi Maromak ho laran mós, Espíritu Santu sei tulun ita, enkoraja ita no haroman ita, nune’e ita bele komprende mistériu Maromak Nian no fó kbi’it mai ita hodi prátika ita nia fiar lor-loron.

Pe. Philip Heng, S.J.

Mt 13:10-14, 16-17

10Eskolante sira hakbesik ba Nia dehan: “Tansa Ita koalia ba sira ho aiknanoik?  11Nia hatan ba sira: “Ba imi, Maromak fo hatene tiha misteriu sira reinu lalehan nian maibe ba sira lae. 12Basa ba ida nebe iha ona, sei fo tan atu nia iha liu tan; maibe ida nebe la iha, buat uitoan mos nebe nia iha sei hasai tan housi nia. 13Tan ne’e mak Ha’u koalia ba sira ho aiknanoik, basa sira hateke dau-daun, maibe la hare; sira se tilun dau-daun maibe la rona, ka hatene los. 14Nune’e sei sai duni tuir Profeta Isaias nia lia nebe dehan: ‘Imi rona ho tilun, maibe la hatene los; imi hare ho matan, maibe la hare mos.

16Maibe ksolok ba imi nia matan basa sira hare; no ba imi nia tilun basa sira rona. 17Tebes, Ha'u’dehan ba imi katak profeta no ema diak barak hakarak teb-tebes hare buat nebe imi hare dau-daun, maibe la hare; no rona buat nebe imi rona, maibe la rona.”

Today's Pointers on God's Word

As you read the passage what words, phases or meanings caught your attention?

  • ·      Fiar mak prezente hosi Maromak. Iha Evangelho ohin, Jesus afirma katak sira ne’ebé iha fiar, sei hetan wa’in liu-tan. Sekarik ita prátika ita nia fiar ho ativu, ita sei deskobre Maromak Nia domin rohan la’ek, Nia domin pesoal ba ita no ita sei krese neneik no metin liu-tan iha Nia grasa no santidade.  
  • ·      Maibé sekarik ita hili hodi rejeita Fiar Maromak Nian no grasa Maromak Nian; finalmente ita sei lakon hotu bensaun ne’ebé Maromak fó mai ita, basá ita harahun ona bensaun hirak ne’e liu hosi ita nia dalan egoista sira ne’ebé ita hili ona.
  • ·      Reflete kona-bá ita nia moris no husu ita nia-an, ita prontu no zelozu atu lee, reflete no simu Maromak Nia Futar Lia-fuan. Ita entrega ita nia moris no ita nia-an ba ho konfiansa no reverénsia ba Maromak Nia Futar Lia-fuan?