DGEMs

Maluk sira mak Kristu hadomi,

Laran luak, laos sakrifisiu: Iha Evangelho ohin, Jesus haksi’ak ema Farizeu sira hodi dehan “Ha’u hakarak laran luak, la’os sakrifisiu.” Reflete; se ita halo tuir ritus no orasaun sira maibé la iha kompaixaun ba ema kiak sira, entuan ita nia fiar superfisial no la sinseru tanba ita nia ritus no orasaun sira tenki hatudu Maromak Nia laran luak iha ita nia hahalok sira. 

Pe. Philip Heng, S.J.

Silu batar, fo isin diak iha loron Sabadu

            1Iha loron Sabadu ida Jesus liu housi to’os batar ida. Nia eskolante sira hamlaha; tan ne’e sira hahu silu batar hodi han. 2Hare tiha ne’e, fariseu sira dehan ba Nia; “O nia eskolante sira halo dau-daun buat nebe bandu iha loron Sabadu!” 3Nia hatan ba sira: “Imi la le’e buat nebe David halo, wainhira nia hamlaha. Nia ho nia maluk sira? 4Oin sa nia tama iha Maromak nia uma hodi han paun sakrifisiu nian, nebe  bandu ba nia no ba nia maluk sira; amlulik sira deit mak bele han? 6Ha’u dehan ba imi katak iha ne’e iha Ida nebe boot liu templu. 7Imi hatene karik lia ne’e katak sa: ‘Ha’u hakarak laran luak, la’os sakrifisiu,’ imi sei la tesi lia todan ba sira nebe sala laek. 8Basa Oan Mane mos Sabadu nia Na’in.”