15ª Semana Tempu Komun: Tersa-feira, loron 18, fulan Jullu, 2023 July 18, 2023
Reflection on the WORD
Maluk sira mak Kristu hadomi,
Matan delek no ulun toos: Iha Evangelho ohin, Jesus haksi’ak povu sira hosi sidade Korazain, Betsaida no Kapernaum tan sira nia matan delek no ulun toos hodi la fiar ba Lia-fuan Di’ak salvasaun nian. Reflete; ita iha hahalok ruma, adiksaun no apegu ruma, ne’ebé prevene ita atu simu Jesus no krese iha ita nia fiar ba Jesus?
Pe. Philip Heng, S.J.
Mt 11:20-24
Sidade aat sira sei hetan kastigu
20Ho ne’e, Nia hahu koalia hasouru sidade sira iha nebe Nia halo ona milagre barak liu, tan sira la halo penitensia. 21 “Susar ba o, Korozain! Susar ba o, Betsaida! Basa milagre sira nebe halo ona iha imi le’et, halo tiha karik iha Tiro no Sidonia, kleur tiha ona mak sira hakribi sala hodi hatais karon no ho ahikdesan. 22Tan ne’e, Ha’u dehan ba imi katak iha loron justisa nian kastigo ba Tiro no Sidonia sei kmaan liu fali imi nian. 23O fali, Kafarnaum, o hakarak foti an to’o lalehan? O sei monu to’o inferno! Basa milagre sira nebe halo ona iha o halo tiha karik iha Sodoma, to’o ohin Sodoma sei hamriik hela. 24Tan ne’e, Ha’u dehan ba imi katak iha loron justisa nian kastigo ba Sodoma sei kmaan liu fali o nian.”
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, Jesus haksi’ak sidade korazin no Betsaida tanba sira la responde lalais ba Lia-fuan Di’ak no sira la hakribi sira salan maski hare tiha ona milagre lubun bo’ot ne’ebé Kristu halo.
- · Jesus dezafia ita atu halo ezame da konsiénsia no hare ba ita nia salan no buat sira seluk ne’ebé prevene ita atu rona Na’i Nia liafuan no halo tuir Nia hakarak.
- · Ita simu Maromak Nia futar lia-fuan ho fiar no obediénsia ka ho dúvida no indiferensa? Ko’alia ba Na’i Maromak hosi ita nia fuan no dehan ba Nia saida mak prevene ita atu la’o iha dalan los Na’i Nian no halo tuir Nia hakarak.