15ª Semana Tempu Komun: Segunda-feira, loron 17, fulan Jullu, 2023 July 17, 2023
Reflection on the WORD
Maluk sira mak Kristu hadomi,
Hadomi Maromak- Inkondisional: Iha Evangelho ohin, Jesus lia-tun ba Nia Apóstolu sira katak atu la’o tuir Nia nu’udar Nia eskolante, ezizi kompromisu ne’ebétotal no jenerozu hodi hadomi Maromak. Reflete; Ita nia domin ba Maromak tenki profundaliu fali domin sira seluk iha ita nia moris. Wainhira ita bele hadomi Maromak profundu liu-tan, nune’e ita nia domin ba ema seluk no sasan sira mós bele sai kompleto liu-tan.
Pe. Philip Heng, S.J.
Mt 10:34-40
34“Keta hanoin katak Ha’u mai rai atu lori dame; Ha’u mai atu lori, la’os dame, maibe surik. 35Basa Ha’u mai atu haketak oan mane housi nia aman, oan feto housi nia inan no feto foun housi nia banin feto, 36hodi halo ema nia parenti sira rasik sai ninia funubalun. 37Ema nebe hadomi nia aman ka nia inan liu fali Ha’u, nia la soi Ha’u; no ema nebe hadomi oan mane ka oan feto liu fali Ha’u la soi Ha’u. 38Ema nebe la lori nia krus hodi tuir Ha’u, nia la soi Ha’u. 39Ema nebe hadomi nia moris, sei lakon nia; no ema nebe lakon nia moris tamba Ha’u, sei hetan fali nia.” 40“Ema nebe simu imi, simu Ha’u; ema nebe simu Ha’u, simu Ida nebe haruka Ha’u mai.
Today's Pointers on God's Word
As you read the passage what words, phases or meanings caught your attention?
- · Jesus dehan “Ema ne’ebé la lori nia krus hodi tuir Ha’u, nia la soin mai Ha’u.”
- · La’o tuir Kristu Nia ain-fatin, la facil tanba Kristu rasik esperimenta ona susar no terus sira maibé Nia fiél nafatin hodi hasoru dezafius. La’o tuir Kristu signifika buat hotu ka la iha buat ida; ita la bele serbí Maromak no preokupa ho sasan mundu nian.
- · Jesus bolu ita ida-idak atu lori ita nia krus ba moris ne’ebé fó sentidu kle’an. Tan ne’e ho grasa Maromak Nian, ita hetan konvite atu simu ita nia terus, moras, frustasaun, moris mesak, ema ne’ebé ita hadomi mate no problema família nian hodi halibur hamutuk ho Kristu Nia terus.