14ª Semana Tempu Komun: Kuarta-feira, loron 12, fulan Jullu, 2023 July 12, 2023
Reflection on the WORD
Maluk sira mak Kristu hadomi,
Fó kbi’it-Fiar: Iha Evangelho ohin, Jesus haruka Nia apóstolu sira ba haklaken Evangelho ba povu Israelitas ne’ebé Nia fihir no hili ona. Jesus fó kbi’it divina nian ba apóstolu sira atu duni sai espiritu a’at sira, no mos atu fó isin di’ak ba sira hotu ne’ebé terus moras oi-oin. Reflete; ita mós esperimenta Jesus Nia Espíritu hafanun ita no foó kbi’it mai ita atu halo ema hatene Jesus iha ita nia família, belun sira no ema seluk?
Pe. Philip Heng, S.J.
Mt 10:1,5-7
Jesus fihir apostolu sira hodi fo knaar ba sira
1Nia bolu nia eskolante sira na’in sanulu resin rua hodi fo kbiit ba sira atu duni sai espiritu foer sira, no mos atu fo isin diak ba sira hotu nebe terus moras oi-oin. 5Jesus haruka ema na’in sanulu resin rua ne’e la’o ba hodi hanorin uluk sira dehan: “Keta tuir gentiu sira nia dalan, keta tama iha Samaritanu sira nia sidade, 6maibe buka uluk bibi sira nebe lakon housi umakain Israel nian. 7Tuir dalan, haklaken ba katak reinu lalehan besik ona.
Today's Pointers on God's Word
As you read the passage what words, phases or meanings caught your attention?
- · Jesus haruka Nia eskolante sira atu kontinua Nia servisu, primeiru ba povu Israelita sira ne’ebé Nia hili ona. Nune’e eskolante sira sei ba haklaken Na’i Nia futar Lia-fuan no lori Na’i Nia kbi’it hodi kura sira ne’ebé kolen/moras no oprimidu.
- · Jesus hili ema bai-bain de’it hodi sai Nia apóstolu sanulu resin rua. Na’i hili sira hosi ema bai-bain ne’ebé la iha edukasaun espesial (kualifikadu) no la iha vantajen social nian.
- · Wainhira Na’i Maromak bolu ita atu serbi; ita labele hanoin katak ita la iha buat ida atu oferese. Na’i Maromak bolu ema bai-bain hanesan ita, ho kbi’it ne’ebé ita iha no halo ita sai instrumentu ba Nia glória. Na’i Maromak hakarak servisu liu hosi ita no iha ita nian ba Nia glória.