13ª Semana Tempu Komun: Sábado, loron 08, fulan Jullu, 2023 July 8, 2023
Reflection on the WORD
Maluk sira mak Kristu hadomi,
Jesus Nia prezensa-Fiar: iha Evangelho ohin, Jesus hateten katak wainhira Mesias iha ita nia le’et, ita hanesan “noivu nia belun sira.” Ita lalika haderan-an no laran susar wainhira nia horik hamutuk ho ita. Reflete; Jesus mak sai ita nia Maksoin no Nia Aman Nia hakarak mak sai nu’udar ita nia objektivu rohan la’ek iha ita nia moris? Se karik nune’e, ita presiza moris ho Maromak Nia ksolok lor-loron.
Pe. Philip Heng, S.J.
Mt 9:14-17
14Liu tiha ne’e, Joao nia eskolante sira hakbesik ba Nia dehan: “Tansa mak ami ho fariseu sira hadera an, maibe o Nia eskolante sira lae?” 15Jesus hatan ba sira: “Noivu nia belun sira bele laran susar wainhira noivu sei hela ho sira? Loron sei to’o mai wainhira ema sei hasai noivu housi sira le’et; iha loron ne’e mak sira sei hadera an.”
16“Ema ida la bele taka hena tuan nia kuak ho hena foun, basa hena foun les hena tuan, halo kuak sai boot liu. 17Ema la tau tua foun iha kusi kulit tuan; lae karik, kusi kulit nakfera, tua nakfakar no kusi kulit aat hotu. Tau tua foun iha kusi kulit foun; nune’e buat rua ne’e la lakon.”
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, Jesus dehan ba ita katak Na’i Maromak Nia futar Lia-fuian sei transforma ita nia moris sekarik ita husik Lia-fuan hirak ne’e horik iha ita nia fuan no neon hanesan “kusi kulit foun.”
- · Ita tenki mate ba ita nia hahalok maksalak sira no ita nia hanoin sira ne’ebé susar atu troka hanesan “kusi kulit tuan” no moris ho fiar ne’ebé renovadu no ita konfia Jesus atu fó mai ita moris rohan la’ek.
- · Jesus hadomi ita no hakarak atu fahe Nia ksolok rohan la’ek ho ita. Jesus konstatemente hein ita atu simu Nia Lialós Futar Liafuan ho ita nia laran tomak. Reza ba grasa atu bele loke ita nia fuan no neon hodi simu Jesus Nia konvite.