12ª Semana Tempu Komun: Sábado, loron 01, fulan Jullu, 2023 July 1, 2023

Reflection on the WORD

Maluk sira mak Kristu hadomi,

“Presiza tebes tulun”-Fiar: Iha Evangelho ohin, Senturiaun Romanu ho haraik-an teb-tebes husu Jesus atu kura nia atan ne’ebé terus maka’as tanba moras isin-maten (paralizadu). Jesus kura kedas atan ne’e nia moras sein hasoru nia fizikamente. Reflete; ita iha umildade no kompaixaun hanesan ho senturian Romanu ne’e? Sekarik nune’e, ita nia Maromak ne’ebé kompasivu sei responde liu-tan ba ita nia orasaun sira.

Pe. Philip Heng, S.J.

Mt 8:5-10,13

Senturiaun nia atan

            5Tama tiha iha Kafarnaum, senturiaun ida hakbesik ba Nia hodi harohan: 6“Na’i, ha’u nia atan toba iha uma, isin mate, terus aat liu.” 7Jesus dehan ba nia; “Ha’u sei ba fo isin diak ba nia.” Senturiaun simu fali 8“Na’i, ha’u la soi katak Ita boot tama iha ha’u nia uma laran, maibe Ita boot koalia liafuan ida deit, ha’u nia atan sei hetan fali isin diak; 9basa ha’u mos tuir sira nebe ukun ha’u, no mos iha soldadu sira nebe tuir ha’u. Ha’u dehan ba ida, ‘O ba,’ nia ba; ba ida seluk, ‘Halo ne’e,’ nia halo.” 10Rona tiha nia,  Jesus hakfodak hodi dehan ba sira nebe tuir Nia: “Tebes, Ha’u dehan ba imi, Ha’u seidauk hetan ema ida ho fiar boot hanesan ne’e iha Israel. 13Hafoin Nia dehan ba senturiaun: “La’o ona ba, buat hotu sei sai tuir o nia fiar.” Iha duni oras neba, atan hetan fali isin diak.

Today's Pointers on God's Word

As you read the passage what words, phases or meanings caught your attention?

  • ·       Oinsá ita responde wainhira ita sente Maromak hanesan dook no nonok iha momentu sira ne’ebé ita  presiza tebes Nia tulun no Nia hanesan la hatan ba ita nia orasaun sira? Momentu hanesan ne’e halo ita nia fiar nakdoko ba Maromak nia mizerikordia no laran di’ak?
  • ·       Maromak nia preokupasaun primeira mak salavasaun ema nia klamar, nune’e Nia hakarak ita tama ba moris rohan la’ek ho Nia wainhira ita mate. Konvite ne’e nakloke ba ema ne’ebé hakbesik-an ba Nia ho fiar.
  • ·       Evangelho ohin promete ita katak ita nia Maromak sei mai tulun ita no Nia sei la husik ita mesak wainhira ita barani atu konfia ita nia preokupasaun moris nian no difikuldade sira ba Na’i nia liman.