12ª Semana Tempu Komun. Segunda-feira, loron 26, fulan Junho, 2023 June 26, 2023
Reflection on the WORD
Maluk sira mak Kristu hadomi,
“Julgamento– Fiar”: Iha Evangelho ohin nian, Jesus fó hanoin Nia discípulu sira, “Hasai uluk ai baluk iha ita nia matan rasik, hafoin mak hasai dut iha ema seluk nia matan.” Reflete; “Ita iha tendensia atu julga ema seluk la ho justiça, sem hatene fatus kompletu. Ita reza ba grasa haraik-an atu sai kompaixaun liu tan hanesan Jesus, no simu ita nia imperfeisaun no pekadu sira”.
Pe. Philip Heng, S.J.
Mt 7:1-5
Hanoin aat ema
1“Keta hanoin aat ema, atu ema la bele hanoin aat imi. 2Basa imi hanoin aat ema karik, mak ema mos sei hanoin aat imi: imi sukat ema nune’e, nune’e mos mak ema sei sukat imi. 3Tansa o hare du’ut lahan iha o nia maluk nia matan laran, maibe la hare aikabelak iha o rasik nia matan laran? 4Oin sa o bele dehan ba o nia alin: 5 ‘Husik ha'u hasai du’ut lahan housi o nia matan laran,’ wainhira aikabelak sei hela iha o rasik nia matan laran? Laran makerek, hasai uluk knanain aikabelak housi o nia matan laran, hafoin mak o sei hare hodi hasai du’ut lahan housi o nia maluk nia matan laran.”
Today's Pointers on God's Word
As you read the passage what words, phases or meanings caught your attention?
- · Jesus fó hanoin ita ‘keta julga ema seluk no ita sei la hetan julga mos. Nia hakarak ita atu hatene hatudu laran maus iha julgamentu duke julga ema no la halo karidade ba ema seluk.
- · Dala barak ita la hatene fatos no história kompletu husi kazu balun, ou bele iha pre-konceitu oin-oin. Facil tebes ba ita atu julga ema arbiru no iha dificuldade atu mantain neutru ka la parcial iha ita nia julgamento sira. Facil tebes ba ita atu buka ema seluk nia salan duke ita nian rasik.
- · Atu buka sala ou fraqueza iha ita nia-an rasik necessita humildade no kontrola-an. Husu ba Aman Maromak atu enche ita nia fuan ho karidade, tolerência no pasiensia ba ema seluk.