Natividade são João Batista nian: Sábado, loron 24, fulan Junho, 2023 June 24, 2023
Reflection on the WORD
Maluk sira mak Kristu hadomi,
João Batista-Fiar: Evangelho ohin nian fo konta ida ba evento sira kona-bá João Batista nia moris.Na’i Maromak nia planu salvasaun mak revela klaramente iha João nia moris ne’ebé especial; atu prepara ba Mesias nia mai. Reflete; “Na’i Maromak hakarak uza ita atu dada ema besik ba Nia, liu husi ita nia sasin lor-loron nian kona-bá Lia-lós Evangelho no domin.”
Fr Philip Heng,S.J.
Lk 1:57-64,80
Joao nia moris
57Wainhira tempu to’o ona ba Isabel, nia tur ahi oan mane ida. 58Rona tiha katak Na’i hatudu laran luak boot ba nia, nia maluk no parenti sira haksolok ho nia. 59Liu tiha loron ualu, sira mai atu halo sirkunsisaun kosok oan nian. Sira hakarak hanaran nia Zacarias, tuir nia aman; 60maibe nia inan dehan: “Lae, nia naran Joao.” 61Sira dehan fali ba nia: “Iha imi nia parenti sira le’et la iha ema ida ho naran ne’e.” 62Tan ne’e, ho sinal oi-oin, sira husu ba nia aman: nia hakarak fo naran sa ba nia oan. 63Nia husu surat tahan ida hodi hakerek: “Nia naran Joao.” Sira hotu hakfodak. 64Zacarias nia ibun nakloke kedas, nia nanal mamar fali, nia koalia hodi hawelok Maromak. 80Labarik sai boot, nia laran metin liu tan. Nia horik iha rai fuik maran to’o loron nebe nia hatudu an ba Israel.
Today's Pointers on God's Word
As you read the passage what words, phases or meanings caught your attention?
- · Maromak nia dalan mak la’os ita nia dalan; Nia sei haraik bensa ba ita iha nia tempu no dalan wainhira ita ladun espera; hanesan iha tempu Zakarias no Isabel nian.
- · Leitura ida ne’e fó hanoin ita kona-bá ita nia necesidade atu kontinua fiar iha Maromak iha tempu hot-hotu sem preokupa ho oinsa atu koko iha ita nia moris.
- · Reflete kona-bá koko sira iha ita nia moris no koko atu sente oinsa Maromak prezente ona iha ita maiske iha kanek ne’ebé ita sente, no oinsa ita atu husik ita nia esperansa iha Maromak.