11ª Semana Tempu Komun. Domingo, loron 18, fulan Junho, 2023 June 18, 2023
Reflection on the WORD
Maluk sira mak Kristu hadomi,
“To’os nain mak riko-Fiar”: Iiha Evangelho ohin nian, Jesus hanoin teb-tebes ema wain no haklaken, “To’os boot tebes, maibé serbisu nain oituan de’it...” Reflete; “Serbisu nain” Maromak presiza mak ema sarani batizadu sira atu fó sasin kona-bá prezente fiar Jesus nian Liafuan Ksolok salvasaun nian. Ita hakarak atu responde ba Nai nia bolu atu sai nia serbisu nain?”
Pe. Philip Heng, S.J.
Mt 9:36-10:8
To’os boot, maibe to’os atan uitoan
35Jesus la’o lemo sidade ho knua sira hodi hanorin iha sinagoga sira no haklaken liafoun diak reinu nian; fo mos isin diak ba ema moras sira no ba sira hotu nebe terus. 36Hare tiha ema lubun boot, Nia hanoin teb-tebes sira basa sira kole no neon nakraik, hanesan bibi sira nebe bibiatan la iha. 37Tan ne’e Nia dehan ba eskolante sira: “To’os boot duni, maibe serbisu na’in uitoan. 38Ne’e duni imi harohan ba to’os na’in atu haruka serbisu na’in sira ba nia to’os.”
Jesus fihir apostolu sira hodi fo knaar ba sira
1Nia bolu nia eskolante sira na’in sanulu resin rua hodi fo kbiit ba sira atu duni sai espiritu foer sira, no mos atu fo isin diak ba sira hotu nebe terus moras oi-oin. 2Apostolu sira nia naran mak ne’e: ida uluk, Simao nebe ema hanaran Pedro, ho nia alin Andre; Tiago, Zebedeu nia oan, ho nia alin Joao; 3Filipe ho Bartolomeu, Tome ho Mateus publikanu, Tiago, Alfeu nia oan, ho Tadeu, 4Simao Kananeu ho Judas Iscariotes, nebe sei saran Nia.
5Jesus haruka ema na’in sanulu resin rua ne’e la’o ba hodi hanorin uluk sira dehan: “Keta tuir gentiu sira nia dalan, keta tama iha Samaritanu sira nia sidade, 6maibe buka uluk bibi sira nebe lakon housi umakain Israel nian. 7Tuir dalan, haklaken ba katak reinu lalehan besik ona. 8Halo moras sira hetan isin diak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi.
Today's Pointers on God's Word
As you read the passage what words, phases or meanings caught your attention?
- · Wainhira Jesus haré ema lubun bót terus no presiza kura, Nia sente kompaixaun. Nia husu ba nia discípulu sira no ita atu reza ba tulun nain sira atu serbi Maromak nia reino Salvasaun nian.
- · Ho influensia sekularismo ne’ebé aumenta no materiaslismo iha ita nia moris lor-loorn nian, ema oituan mak hakbusik-na ba vida saserdósiu no vokasaun religioza. Igreja mak iha hela krize vokasaun tipo hanesan ne’e.
- · Mai ita reza atu iha vokasaun barak ba vida saserdósiu no vida religioza no mos ba sasin Lia-Foun diak ne’ebé bót liu tan kona-bá salvasaun husi leigo sira atu nune’e ema barak liu tan besik ba Maromak.