DGEMs

Maluk sira mak Kristu hadomi,

Ukun-fuan bót liu hotu: Iha Evangelho ohin nian, Eskriba sira aseita ho Jesus katak ukun fuan uluk no bót liu hotu mak hadomi Maromak ho ita nia fuan tomak, ita nia klamar, ita nia hanoin no ita nia forsa hotu, no labele haketak ho ida ne’e mak hadomi ita nia maun-alin sira liu husi hahalok sira. Reflete; “ita haketak ukun-fuan sira ne’e iha ita nia moris lor-loron nian?” 

Pe. Philip Heng, S.J.

Ukunfuan boot liu hotu

            28Eskriba ida, nebe rona Nia koalia no hare oin sa Jesus hatan diak los ba sira, mai hakbesik Nia hodi husu, “Ukunfuan uluk liu hotu mak ida nebe los?” 29Jesus hatan, “Ida nebe uluk liu mak: ‘Rona ba, Israel. Na’i, ita nia Maromak, mak Na’i ida mesak. 30O sei hadomi Na’i, o nia Maromak ho o nia fuan tomak, ho o nia klamar tomak, ho nia hanoin tomak no ho o nia kbiit tomak.’ 31Ida tuir nia mak ne'e: ‘O sei hadomi o nia maluk nudar o nia an rasik. La iha tan ukunfuan nebe boot liu sira ne'e.” 32Eskriba ne'e dehan ba Nia, “Diak, Mestre.  Ho lialos, Ita dehan katak Maromak ida deit; la iha tan ida seluk, Nia mesak deit. 33Hadomi Nia ho fuan tomak, no ho hanoin tomak no kbiit tomak, no hadomi maluk hanesan an rasik mak boot liu buat karan sunu no sakrifisiu hotu.” 34Jesus, hare katak nia koalia ho matenek, dehan ba nia, “O la dook housi Maromak nia reinu!” La iha tan ema nebe berani atu husu buat ruma ba Nia.