DGEMs

Maluk sira mak Kristu hadomi,

Dezafia Jesus: Amu-lulik bót sira, eskriba sira no ema katuas sira dezafia Jesus ninia autoridade hodi duni sai kobrador osan sira husi templu. Reflete; “ Wainhira ita koko atu ‘dezafia’ lia-lós no autoridade Jesus nian no Igreja nian...ho certeza, ita sei la hetan paz ne’ebé kle’an, realizasaun no ksolok iha ita nia fuan sira; ita nia foti-an sei lori ita ba destrusaun iha ita nia moris no ita nia fiar”.

Pe. Philip Heng, S.J.

Ema husu kona ba Nia kbiit

            27Sira fila fali ba Jerusalem. Wainhira Jesus la'o dau-daun iha templu, amlulik boot sira no eskriba no katuas sira ba hasouru Nia. 28Sira dehan ba Nia, “Ho kbiit ida nebe mak o halo  buat ne'e? Eh, ema se mak fo kbiit ba O atu halo buat hirak ne'e hotu?” 29Jesus hatan, “Ha’u sei husu buat ida deit ba imi. Imi hatan mai Ha’u karik, Ha’u mos sei hateten ba imi ho kbiit ida nebe los mak Ha’u halo buat ne'e hotu. 30Joao nia baptismu housi lalehan ka housi ema? Hatan mai Ha’u ba!” 31Sira haksesuk malu hodi dehan: “Ita dehan karik housi lalehan; Nia sei hateten ‘Tan sa imi lakohi fiar nia?’ 32Maibe ita hateten karik, ‘Housi ema,’ – sira tauk povu basa ema hotu fiar katak Joao ne'e profeta lo-los. 33Ne’e duni sira hatan ba Jesus dehan: “Ami la hatene.” Jesus dehan ba sira, “Ha’u mos la hateten ba imi ho kbiit ida nebe los mak Ha’u halo buat hirak ne'e hotu.”