DGEMs

Maluk sira mak Kristu hadomi,

“Espíritu Lialos” – Fiar: Iha evangelho ohin, Jesus haklaken ba nia eskolante sira, “Imi hadomi Ha’u karik, imi sei halo tuir Ha’u nia ukun-fuan sira. . . imi sei simu Ksolok Nain seluk ida; Espírito Lialos husi Aman Maromak.” Reflete: “Lialos ida ne’e bele hatene liu-husi Espírito Santo ne’ebé Jesus haraik; harohan atu simu prezente divinu; nu’udar murak liu hotu-hotu iha ita nia moris.”

Pe. Philip Heng, S.J.

Jesus dehan ba Ninia eskolante sira: ‘Imi hadomi Ha’u karik, imi sei halo tuir Ha’u nia ukunfuan sira. Ha’u sei harohan ba Aman; no Nia sei fo ba imi Ksolok na’in seluk ida atu hela nafatin ho imi. Nia mak Espírito lialos nian, ne’ebé mundu la bele simu, basa la hare Nia no la hatene Nia. Imi hatene Nia, tan Nia hela iha imi, no sei horik iha imi laran. Ha’u sei la husik imi oan kiak; Ha’u sei fila fali ba imi.’ 

‘La kleur tan, mundu sei la hare ona Ha’u; maibé imi sei hare Ha’u; basa Ha’u moris no imi mós sei moris. Iha loron neba imi sei hatene katak Ha’u hela iha Ha’u Aman, no imi iha Ha’u, no Ha’u iha imi. Ema ne’ebé simu hodi halo tuir Ha’u nia ukunfuan, nia mak hadomi Ha’u; no ema ne’ebé hadomi Ha’u, Ha’u Aman sei hadomi nia; no Ha’u sei hadomi nia hodi hatudu ba nia Ha’u An rasik.’