DGEMs

Maluk sira mak Kristu hadomi,

“Uvas hun no Sanak sira” – Fiar: Iha evangelho ohin, Jesus haklaken ba nia eskolante sira, “Ha’u mak uvas hun; imisanak sira. Ema ne’ebé hela iha Ha’u, sei fó fuan barak; basá la hodi Ha’u imi labele halo buat ida.” Reflete: Ita nia susesu sira material nian de’it la lori ita ba lalehan; maibé wainhira ita hadomi Maromak, ita hala’o moris ida ne’ebé lori ita ba ksolok rohan la’ek.”

Pe. Philip Heng, S.J.

Jesus dehan ba Ninia eskolante sira, ‘Ha’u mak uvas hun lo-los, Ha’u Aman mak to’os nain. Sanak hotu ne’ebé la fo fuan Nia hasai tiha, no sanak ne’ebé fo fuan Nia hamós di-diak atu fo fuan liu tan. Imi mós ona tamba liafuan ne’ebé Ha’u hateten ona ba imi. Hela iha Ha’u ba, no Ha’u iha imi. Nu’udar uvas sanak ne’ebé haketak housi hun labele fo fuan mesa-mesak, nune’e mós imi, wainhira imi la hela iha Ha’u.’ ‘Ha’u mak uvas hun, imi sanak sira; ema ne’ebé hela iha Ha’u no Ha’u iha nia, ema ne’e fo fuan barak; basa la hodi Ha’u, imi la bele halo buat ida. Maibé imi hela iha Ha’u karik, no Ha’u nia liafuan hela iha imi, husu buat ne’ebé imi hakarak ba, no sei fo duni ba imi. Iha ne’e mak Ha’u Aman hetan glória: katak imi fo fuan barak hodi sai Ha’u nia eskolante sira.’