DGEMs

Maluk sira mak Kristu hadomi,

“Dalan, Lialos, no Moris”: Iha evangelho ohin, Jesus haklaken klaramente, “Ha’u mak Dalan, Lialos no Moris ... ne’ebé halo-tuir Ha’u nia Aman ninia Hakaran hodi haraik salvasaun rohan la’ek ba ema hotu. Reflete: “Ita tau-atensaun barak liu iha susesu material, status sosial no susesu mundu nian sira seluk iha ita nia moris, sein senti Maromak Ninia korajen atu hadomi Nia kle’an liu?  

Pe. Philip Heng, S.J.

Jesus hateten ba Tome: “Ha’u ne’e dalan, lialos no moris. Ema ida la liu karik housi Ha’u, nia la bele hakbesik Ha’u Aman. Imi hatene ona Ha’u karik, imi hatene ona mós Ha’u Aman. Houri ohin ba oin, imi hatene ona Nia no hare ona Nia.” Filipe husu ba Nia: “Na’i, hatudu Aman mai ami; ne’e to’o ona mai ami.” 

Jesus dehan ba nia: “Ha’u hela kleur ona ho imi, Filipe, no imi seidauk hatene Ha’u? Ema ne’ebé hare ona Ha’u, hare ona mós Ha’u Aman. Nusa mak o dehan: ‘Hatudu Aman mai ami?' O la fiar katak Ha’u hela iha Aman no Aman hela iha Ha’u? Liafuan hirak nebe Ha’u dehan ba imi, Ha’u la dehan hodi Ha’u an rasik.

‘Buat naran deit ne’ebé imi husu hodi Ha’u nia naran, Ha’u sei halo, atu Aman hetan glória iha Oan Mane; imi husu karik buat ida hodi Ha’u nia naran, Ha’u sei halo.’