DGEMs

Maluk sira mak Kristu hadomi,

“Jesus, Paun moris nian” – Fé: Iha evangelho ohin, Jesus haklaken, “Ha’u mak paun moris nian ne’ebé tun mai housi lalehan. Ema ne’ebé han paun ne’e, nia sei moris ba nafatin.” Reflete: “Se ita konsentra demais iha aihan mundu nian ne’ebé ita konsumu, no gasta tempu uituan los atu habosu ita nia klamar ho fé, esperansa no domin ba Jesus, espesialmente iha Eucaristia?”

Pe. Philip Heng, S.J. 

35Jesus hatan ba sira: “Ha’u mak paun moris nian. Ema nebe hakbesik Ha’u sei la hamlaha tan; no ema nebe fiar iha Ha’u sei la hamrook tan 36Maibe Ha’u dehan ona ba imi katak maski imi hare tiha Ha’u, imi la fiar. 37Sira hotu nebe Aman fo mai Ha’u, sei hakbesik Ha’u; no ida nebe hakbesik Ha’u, Ha’u sei la duni sai ba liur. 38Basa Ha’u tun mai housi lalehan la’os atu halo Ha’u nia hakarak, maibe Ida nebe haruka Ha’u mai nia hakarak. 39No Ida nebe haruka Ha’u mai nia hakarak mak ida ne’e: katak Ha’u keta lakon ema nebe Nia fo tiha mai Ha’u, maibe halo nia moris hi’as iha loron ikus. 40Basa Ha’u nia Aman nia hakarak mak ida ne’e: katak ema ida-ida nebe hare Oan Mane hodi fiar iha Nia hetan moris rohan laek; no Ha’u sei halo nia moris hi’as iha loron ikus.”