DGEMs

Maluk sira mak Kristu hadomi,

“Fé iha Jesus”: Iha evangelho ohin, Jesus haklaken, “Ema hotu ne’ebé fiar iha Nia la bele lakon, maibé hetan moris rohan la’ek...ema hotu ne’ebé halo aat hakribi roman; maibé ema sira ne’ebé moris tuir lialos hakbesik ba roman.” Reflete: “Nu’udar fiar-nain ita simu konvite atu moris tuir Maromak ninia Roman no Domin no dirije ema seluk atu loke sira nia an ba Maromak ninia prezente da salvasaun rohan la’ek.”

Pe. Philip Heng, S.J.

16Basa Maromak hadomi tebes mundu to’o fo Nia Oan Mane mesak, atu ema hotu nebe fiar iha Nia la bele lakon, maibe hetan moris rohan laek. 17Basa, Maromak la haruka nia Oan Mane mai iha mundu atu tesi lia ba mundu, maibe atu mundu hetan maksoin hodi Nia. 18Sei la tesi lia ba ema nebe fiar iha Nia, maibe ema nebe la fiar ema tesi lia ona, basa la fiar iha Maromak nia Oan Mane mesak nia naran. 19Sira hetan kastigu nune’e: roman mai iha mundu, maibe ema sira hadomi nakukun liu fali roman, basa sira nia hahalok aat. 20Basa ema hotu nebe halo aat hakribi roman, no nia la hakbesik ba roman atu ema la bele si’ak nia hahalok sira. 21Maibe ema sira nebe moris tuir lialos hakbesik ba roman atu nia hahalok hotu mosu mo-mos nudar halo iha Maromak.”