DGEMs

Maluk sira mak Kristu hadomi,

Na’i Moris Hias – Tasi Tiberiades: Iha evangelho ohin, ita nia Na’i, mosu ba eskolante sira iha Tasi Tiberiades. Nia halo milagre nune’e eskolante sira kaer ikan barak no Nia han hamutuk ho sira. Reflete: “Ita nia Na’i, sei halo milagre barak mai ita, se ita obedeseAman Maromak nia hakaran, no hadomi Nia ho haraik an no sempre fiél.

Pe. Philip Heng, S.J.

Jesus mosu iha tasi Tiberiades nia sorin

                    1Ne’e hotu tiha, Jesus hatudu An dala ida tan besik tasi Tiberiades. Nia mosu nune’e. 3Simao Pedro hateten ba sira: “Ha’u ba kaer ikan.” Sira dehan ba nia: “Ami mos ba hotu ho o.” Sira sai no sae ba ro, maibe iha kalan neba sira la hetan ikan ida. 4Iha rai hun mutin, Jesus hamriik iha tasi ibun; maibe eskolante sira la hatene katak Nia mak Jesus. 5Jesus dehan ba sira: “Labarik sira, imi iha buat ruma atu han?” Sira hatan: “La iha” 6Nia simu fali: “Soe imi nia dai ba ro nia sorin kuana no imi sei hetan.” Ne’e duni, sira soe dai, hafoin sira la bele dada mai, tan ikan barak liu. 12Jesus dehan ba sira: “Mai han.” Eskolante sira ida mos la berani atu husu ba Nia “Ita se los?” tan sira hatene katak Nia mak Na’i. 13Jesus hakbesik, kaer paun hodi fo ba sira; nune’e mos ho ikan. 14Ne’e ba dala tolu ona mak Jesus mosu ba nia eskolante sira, liu tiha Nia moris hi’as housi mate.