DGEMs

Maluk sira mak Kristu hadomi,

“Na’i Ressucitadu – isin no ruin”: Iha evangelho ohin, Jesus ita nia Na’i Ressucitadumosu ba Nia eskolante sira no dehan, “Dame hela ho imi, haré ha’u nia liman no ain ba...”  Reflete: “Ita apresia Na’i Ressucitadu ninia vitória kontra salan no mate ou la’e? Halibur hamutuk kada aspeitu iha ita nia dezafiu moris ho Na’i ninia mehi sira ba ita no salan-nain sira.”

Pe. Philip Heng, S.J.

Jesus mosu ba eskolante sira

            36Sira sei koalia hela, Jesus hamriik iha sira le’et hodi dehan ba sira: “Dame hela ho imi!” 37Sira hakfodak no tauk, hodi hanoin katak sira hare mate klamar ida. 38Nia husu ba sira: “Tansa imi fuan taridu hodi husu buat barak iha imi laran? 39Hare Ha’u nia liman no ain ba: Ha’u mak ne’e duni! Kaer Ha’u ba, hodi hare katak mate klamar ida isin ho ruin la iha, nudar imi hare Ha’u iha.” 40Dehan tiha ne’e, Nia hatudu ba sira nia liman no ain. 41Maibe sira seidauk fiar tan hakfodak ho ksolok boot. Nia dehan: “Imi iha buat ruma atu han?” 42Sira fo ba Nia ikan tunu baluk ida. 43Nia simu, hodi han iha sira oin. 44Hafoin Nia dehan ba sira: “Wainhira Ha’u sei iha imi le’et, Ha’u dehan ba imi liafuan hirak ne’e: katak sei sai tuir los lia hotu nebe Moises, profeta no salmu sira hakerek kona ba Ha’u iha Eskritura.”