DGEMs

Maluk sira mak Kristu hadomi,

“Dalan ba Emaus – Eskolante sira”: Iha evangelho ohin, Na’i ne’ebé moris hias mosu ba eskolante nain rua. Sira nain rua senti triste wainhira sira la’o dadaun ba Emaus. Reflete: hanesan eskolante sira, ita permiti ita nia sofrimentu no aflisaun sira hafraku no taka ita nia fiar iha Na’i Ressucitadu ninia vitória kontra salan no mate? Harohan atu ita simu grasa Páscoa hanesan Kristu ninia damen, ksolok, no esperansa lolos.

Pe. Philip Heng, S.J.

Dalan Emaus nian

13Iha loron neba eskolante na’in rua la’o ba knua ida naran Emaus, besik kilometru ualu housi Jerusalem. 14Sira koalia ba malu kona ba buat nebe mosu. 15Sira sei koalia hodi haksesuk malu dau-daun, Jesus rasik hakbesik hodi la’o hamutuk ho sira. 16Maibe sira nia matan la dauk nakloke atu hatene Nia. 17Nia dehan ba sira: “Imi koalia ba malu kona ba sa ida tuir dalan?” Sira para tiha ho oin nakraik.

19Nia husu ba sira: “Sa ida?” Sira hatan: “Kona ba Jesus Nazare, profeta ida beran boot iha lia no hahalok iha Maromak no povu tomak nia oin: 20oin sa ita nia amlulik boot no na’i ulun sira saran Nia ba mate hodi hedi Nia ba krus. 21Ami hanoin katak Nia mak atu soi Israel, maibe liu ona loron tolu mak buat hirak ne’e mosu. 22Los duni, ami nia feto maluk balun halo ami hakfodak, basa dadersan hela, sira ba rate; 23hafoin, la hetan Nia isin, sira mai haktuir katak sira hare anju sira nebe dehan katak Nia moris.

25Nia dehan ba sira: “Imi ema beik duni, no neon badak atu fiar buat hotu nebe profeta sira hateten! 26Mesias sei la terus buat hirak ne’e atu nune’e Nia bele tama iha Nia gloria?” 27Hafoin, hahu housi Moises no profeta sira hotu, Nia hatudu ba sira buat hotu nebe hakerek tiha kona ba Nia.