Oitava de Páscoa; Segunda-feira, loron 10, fulan abril, 2023 April 10, 2023

Reflection on the WORD

Maluk sira mak Kristu hadomi,

Akontesimentu durante Páscoa: Iha evangelho ohin, feto sira ne’ebé haré ita nia Na’i Ressucitadu nakonu ho ksolok no hakoak Ninia ain hodi adora Nia. Maibé, wainhira guarda sira fó hatene amlulik boot kona-bá Jesus ninia moris hias, sira fó osan ba guarda sira atu espalla lia falsu kona-bá lialos ne’e. Reflete: “ita nia kompromisu ba ita nia fiar iha Na’i ninia moris hias kle’an no sein kondisaun, ka fraku no instável?

Pe. Philip Heng, S.J.

Mt. 28:8-10,11b-13,15

8Sira husik kedas rate; ho laran tauk no ksolok boot, sira halai atu fo hatene ba eskolante sira. 9Teki-teki Jesus mai hasouru sira dehan: “Haksolok ba!” Sira hakbesik, hakoak Nia ain hodi adora Nia. 10Jesus dehan ba sira: “Keta tauk; ba dehan ba Ha’u nia maun alin sira atu ba Galileia; iha neba sira sei hare Ha’u.” 

11Wainhira sira la'o ona, guarda balun ba sidade laran hodi fo hatene ba amlulik boot sira buat hotu nebe mosu. 12Sira ne'e halibur hamutuk ho katuas sira. Hafoin, sira lia tuir malu hotu tiha, sira fo osan mutin barak ba soldadu sira 13hodi dehan: “Imi dehan katak Nia eskolante sira mai iha kalan hodi na’ok Nia wainhira ami toba dau-daun. 15Simu tiha osan mutin, sira halo tuir nudar ema hanorin sira. Lia ne'e la’o iha Judeu sira le’et to'o ohin loron.

Today's Pointers on God's Word

As you read the passage what words, phases or meanings caught your attention?

  • ·       Feto sira haksolok tebes wainhira sira hasouru Kristu besik rate no “hakoak Nia ain hodi adora Nia.” Jesus informa sira kona-bá Ninia prezensa real no haforsa sira atu keta tauk.
  • ·       Jesus ninia domin mai ita sempre ida ne’ebé nakonu ho serteza. Se ita aseita no permiti nia domin atu penetra ita nia fuan sira no hakonu ita nia uma sira, entaun ita sei harii relasaun ida ne’ebé forte no íntima ho Nia.
  • ·       Hanesan feto sira iha rate mamuk, wainhira ita sinceremente buka Na’i Ressucitadu iha ita nia moris, espesialmente iha Eukaristia, ita sei hatutan Liafuan Di’ak ba ema seluk.