Semana Santa, Vigília Páscal, Sábadu, Santu, loron 08, fulan abril, 2023 April 8, 2023

Reflection on the WORD

Maluk sira mak Kristu hadomi,

“Na’i moris-hias” – Fé: Iha evangelho ohin, Maromak ninia anju idamosu no haklaken iha Jesus ninia rate katak Nia moris hias ona husi Ninia mate. Guarda sira tauk, maibé feto sira ne’ebé hadomi Nia nakonu ho admirasaun no ksolok, no halai-lori novidades ne’e ba apostolu sira. Reflete: “Ita nia fuan nakonu ho ksolok wainhira rona Jesus morishias ona,manan salan no mate, no haraik moris rohan la’ek?

Pe. Philip Heng, S.J.

Mt. 28:1-8

Jesus moris hi'as

1Liu tiha loron Sabadu, iha dadersan nakukun loron uluk semana nian, Maria Madalena no Maria, ida seluk ba hare rate. 2Teki-teki rai nakdoko maka'as, basa Na’i nia anju ida tun housi lalehan, hakbesik mai, duir tiha fatuk hodi tur iha nia leten. 3Nia oin hanesan rai lakan no nia hatais mutin hanesan neve. 4Guarda sira nakdedar ho tauk tanba nia, to'o sai hanesan mate. 5Maibe anju koalia hodi dehan ba feto sira: “Keta tauk. Ha’u hatene katak imi buka Jesus, nebe ema hedi iha krus. 6Nia la iha ne'e, Nia moris hi'as tiha ona nudar Nia dehan nanis. Mai hare fatin nebe sira hatoba Nia. 7La’o ba hodi dehan ba Nia eskolante sira: 'Nia moris hi'as ona housi mate, no sei ba uluk liu imi iha Galileia. Imi sei hare Nia iha neba. Ha’u fo sai ona ida ne’e ba imi.”

8Sira husik kedas rate; ho laran tauk no ksolok boot, sira halai atu fo hatene ba eskolante sira.

Today's Pointers on God's Word

As you read the passage what words, phases or meanings caught your attention?

  • ·       Maromak bolu ita hotu atu sai Maromak nia colaborador sira hodi nune’e atinji Nia misaun salva mundu tomak.
  • ·       Labele hanesan soldadu Romano sira, ne’ebé depois de haré Kristu nia moris hias, esperiênsia tauk ne’ebé halo sira hanesan ema mate. Ita presiza alegria no loke ita nia fuan ba Maromak ninia Espíritu hodi nune’e halo ita sai sasin Jesus, Maromak ressucitado no salvador, ba ema hotu-hotu.
  • ·       Jesus moris hias; ita nia destinu mak moris rohan la’ek. Ita tenki hala’o ita nia fiar totalmente no permiti lialos ne’e transforma ita nia moris lorloron. Ita tenki komesa haré ita nia vida prezente husi perspektivu ksolok rohan la’ek.