DGEMs

Maluk sira mak Kristu hadomi,

“Pedro ninia domin ba Jesus”: Iha evangelho ohin, Pedro nakonu ho domin ba Jesus no barani mate ba Nia. Maibé, Jesus dehan Pedro sei heli/nega Nia. Reflete: “Wainhira ita promete Jesus katak ita sei hadomi Nia iha kualker tempu, ita mós hatene ita nia frakeza no pekadu. Nune’e, ita presiza renova ita nia domin ba Jesus ho fuan Kle’an liu tan lor-loron.”

Pe. Philip Heng, S.J.

Ukunfuan foun

                    31Judas sai tiha, Jesus dehan: “Ohin Oan Mane simu tiha gloria, no Maromak sei simu gloria iha Nia. 32Maromak simu karik gloria iha Nia, Maromak mos sei fo gloria ba Nia iha Nia An rasik no sei fo gloria kedas ba Nia. 33Kosok oan sira, tempu uitoan deit ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mos ba imi: ‘Ba fatin nebe Ha’u sei ba, imi la bele ba.’

36Simao Pedro dehan ba Jesus: “Na’i, Ita ba nebe?” Jesus hatan ba nia: “Ba fatin nebe Ha’u sei ba, ohin o la bele tuir, maibe o sei tuir aban bainrua.” 37Pedro simu dehan: “Na’i, tansa ha’u la bele tuir Ita ohin? Ha’u sei saran ha’u nia moris tamba Ita!” 38Jesus lia tun fali ba nia: “O sei saran o nia moris ba Ha’u? Tebes, tebes, Ha’u dehan ba o katak molok manu kokorek, o sei heli Ha’u dala tolu.”