DGEMs

Maluk sira mak Kristu hadomi,

“Arrependimentu Kle’an” – Fé: Iha evangelho ohin, Maria Madalena tanis wainhira nia hanoin ninia salan sira (nia arrepende). Nia hamaran ninia matawen iha Jesus ninia ain ho ninia fuuk, no nia kose Jesus nia ain ho mina morin folin boot. Reflete: “Wainhira ita buka Maromak atu perdua ita nia salan, ita hakribi salan profundu ka superficial/baibain de’it?

Pe. Philip Heng, S.J. 

Mina morin ba Jesus iha Betania

                    1Loron neen molok festa Paskua, Jesus ba Betania. Lazaro nebe Jesus halo moris hi’as housi mate horik iha neba. 2Sira fo han Jesus. Lazaro han hamutuk ho Nia. Marta serbi meja. 3Maria fali hola mina morin litru  ida ho folin boot hodi kose no hamaran Jesus nia ain ho nia fuuk, to’o mina nia morin hakonu uma laran tomak. 4Eskolante sira ida, Judas Iscariotes, Simao nia oan, ida nebe atu saran Nia, husu: 5“Tansa ita la fa’an mina morin ne’e ba denariu atus tolu, hodi fo osan ba ema kiak sira?” 6Nia hateten ne’e la’os tan nia hanoin ema kiak sira, maibe tamba nia na’okten ida; nia kaer bornal no dala barak nia foti osan nebe ema tau ba. 7Jesus dehan: “Husik nia ba, basa lo-los nia sei halo ne’e ba loron ema hakoi Ha’u; 8ema kiak sira imi sei iha nafatin, maibe imi sei la iha Ha’u ba nafatin.”