5a Semana Tempu Kuaresma, Domingo, loron 26, fulan Marsu, 2023 March 26, 2023

Reflection on the WORD

Maluk sira mak Kristu hadomi,

“Lazarus moris hias hosi mate” – Fiar : Iha evangelho ohin nian, Jesus halo Lazarus moris hias hosi mate, nia mate loron hat tona. Reflete; “Se Jesus bele halo Lazarus moris hias hosi mate, ita desiste nafatin atu fiar iha Maromak wainhira ita nia orasaun no necessidadela realiza iha tempu badak? Marta fiar iha Jesus ho fuan tomak. Forte ka la’e ita nia fiar iha Jesus?”

Fr. Philip Heng, S.J.

Jn 11:3-7,17,20,21-26

Lazaro moris hi’as

3Nia feto sira haruka fo hatene ba Jesus: “Na’i, ida nebe Ita hadomi moras.” 4Rona tiha ne’e, Jesus dehan: “Moras ne’e la’os atu mate, maibe atu fo gloria ba Maromak, atu housi nia, ema fo gloria ba Maromak Oan Mane.” 5Jesus hadomi Marta, nia alin feto no Lazaro. 6Maibe, rona tiha katak Lazaro moras, Nia hela loron rua tan iha neba. 7Liu tiha ne’e, Nia dehan ba eskolante sira: “Ita ba fali Judeia.” 17To’o tiha neba, Jesus hetan nia belun ema hakoi liu tiha loron haat. 20Rona katak Jesus to’o dau-daun, Marta sai ba hasouru Nia. Maria fali tur deit iha uma. 21Marta dehan ba Jesus: “Na’i, Ita iha ne’e karik, ha’u nia maun la mate! ! 22Maibe oras ne’e mos ha’u hatene katak Maromak sei haraik ba Ita buat nebe Ita husu ba Nia.” 23Jesus hatan ba nia: “O nia maun sei moris hi’as.” 24Marta simu: “Ha’u hatene katak nia sei moris hi’as iha loron ikus.” 25Jesus dehan teni ba nia: “Ha’u ne’e moris hi’as no moris. Ema nebe fiar Ha’u, maski mate ona, nia sei moris. 26Ema hotu nebe moris hodi fiar iha Ha’u, nia sei la mate tan ba nafatin. O fiar ne’e?”

Today's Pointers on God's Word

As you read the passage what words, phases or meanings caught your attention?

  • ·       Parece mai ita desconsertante wainhira hatene katak Jesus la ba imediatamente atu haré no kuidado nia “amigo” ne’ebé moras. Maibé Nia hela loron rua tan, iha tempu ne’ebé Lazarus mate tiha ona.
  • ·       Jesus dehan katak Lazarus nia moras sei la halo nia mate, maibé sei lori glória ba Maromak liu hosi Maromak nia Oan. Ida ne’e sei ksolok liu no sei hariku espiritualmente do que kura Lazarus hosi nia moras.
  • ·       Motivasaun as liu ba domin la’os baseia ba sentimento ou afesaun, maibé liu -liu iha honestidade no inteligênsia ba desizaun sira atu hatene saida mak diak liu ba ema ne’ebé ita hadomi. Ida ne’e mak maneira oinsa Na’i Maromak reagem, no dala barak ita haluha Na’i nia maneira sira.