4a Semana Tempu Kuaresma, Segunda-feira, loron 20, fulan Marsu, 2023 March 20, 2023
Reflection on the WORD
Maluk sira mak Kristu hadomi,
“José – ema ne’ebé Na’i Maromak hili” : Evangelho ohin nian relata mai ita oinsa José sai Maria nia kaben, ne’ebé ko’us Mesias liu hosi Espíritu Santu. Reflete; “José la’os ema ida ne’ebé virtuozu, Maibé nia ema ida ne’ebé Na’i Maromak hili atu sai protetor no aman hakiak ba Mesias. Ita mós kuidado no hadomi Jesus iha ita nia moris lor-loron?”
Fr. Philip Heng, S.J.
Mt 1:16,18-21,24
Jesus nia moris
16Jacob hetan oan naran Jose, nebe kaben ho Maria. Jesus, nebe ema hanaran Kristu moris housi Maria. 18Jesus Kristu moris nune'e: ema hakotu ona Maria, Jesus nia inan ba Jose. Molok sira moris hamutuk, Maria ko’us tiha ona hodi Espiritu Santu nia kbiit. 19Nia laen Jose, nebe ema laran los no lakohi hamoe Maria, hakotu atu husik deit nia. 20Nia hanoin dau-daun buat ne'e, wainhira Na’i nia anju mosu ba nia iha mehi dehan: “Jose, David nia oan, keta tauk simu Maria nudar o nia kaben, basa nia ko’us hodi Espiritu Santu nia kbiit. 21Maria sei tur ahi oan mane ida nebe o sei hanaran Jesus, basa Nia mak sei soi povu housi sira sala.” 24Hader tiha housi mehi, Jose halo tuir buat nebe Na'i nia anju haruka hodi simu nia kaben. 25Maski Jose la dauk hamutuk ho nia, Maria tur ahi oan mane ida, nebe nia hanaran Jesus.
Today's Pointers on God's Word
As you read the passage what words, phases or meanings caught your attention?
- · José ema ne’ebé Justo no hadomi Na’i Maromak. Wainhira nia rona katak Maria, José nia noiva ko’us ona, nia la halo reasaun ka julga Maria. Maibé nia lori nia problema sira ba Maromak iha orasaun.
- · Na’i Maromak haraik-ba José seguransa divina katak, Maromak mak bolu nia atu “foti Maria hanesan nia kaben” no atu hola parte iha Na’i Maromak nia planu salvasaun ne’ebé boot liu ba ita ema.
- · Ita pronto ka la’e atu tau fiar iha Maromak liu-liu ita nia preokupasaun sira ne’ebé komplexu no dala ruma laiha esperansa ba Maromak? Harohan atu Na’i aumenta ita nia fiar no esperansa.