DGEMs

Maluk sira mak Kristu hadomi,

“Mandamentu ne’ebé boot liu”  : Iha evangelho ohin nian, Jesus proklama ba Escriba sira katak “mandamentu ida ne’ebé boot liu no uluk mak hadomi Na’i Maromak ho o nia fuan, klamar no hanoin no forsa tomak....” Reflete; “hadomi Na’i Maromak mak mandamentu ida ne’ebé importante liu tamba wainhira ita hadomi Na’i Maromak kle’an liu, ita sei hatene oinsa atu hadomi ema seluk ho ita fuan tomak.”

Fr. Philip Heng, S.J.

Ukunfuan boot liu hotu

28Eskriba ida, nebe rona Nia koalia no hare oin sa Jesus hatan diak los ba sira, mai hakbesik Nia hodi husu, “Ukunfuan uluk liu hotu mak ida nebe los?” 29Jesus hatan, “Ida nebe uluk liu mak: ‘Rona ba, Israel. Na’i, ita nia Maromak, mak Na’i ida mesak. 30O sei hadomi Na’i, o nia Maromak ho o nia fuan tomak, ho o nia klamar tomak, ho nia hanoin tomak no ho o nia kbiit tomak.’ 31Ida tuir nia mak ne'e: ‘O sei hadomi o nia maluk nudar o nia an rasik. La iha tan ukunfuan nebe boot liu sira ne'e.” 32Eskriba ne'e dehan ba Nia, “Diak, Mestre.  Ho lialos, Ita dehan katak Maromak ida deit; la iha tan ida seluk, Nia mesak deit. 33Hadomi Nia ho fuan tomak, no ho hanoin tomak no kbiit tomak, no hadomi maluk hanesan an rasik mak boot liu buat karan sunu no sakrifisiu hotu.” 34Jesus, hare katak nia koalia ho matenek, dehan ba nia, “O la dook housi Maromak nia reinu!” La iha tan ema nebe berani atu husu buat ruma ba Nia.