DGEMs

Maluk sira mak Kristu hadomi,

“Laran-Luak – Perdaun” – Fiar : Iha evangelho ohin nian, Jesus lia tun ba Pedro, “ Ita sei fó perdua dala hitu nulu resin hitu. Depois Jesus explika kle’an liu tan oinsa “Laran-Luak” ne’e essential tebes ba “perdaun”. Reflete; “Wainhira ita iha Laran-Luak ne’ebé genuína ka lós, sei fasil ba ita atu perdua. Maibé, sem iha Laran-Luak, ita laran laiha no ingrato ba Na’i Maromak nia Laran-Luak mai ita.”

Fr. Philip Heng, S.J.

Perdua dala hira

21Tuir mai, Pedro hakbesik ba Nia hodi dehan: “Na’i, ha’u nia maun eh alin sala hasouru ha’u karik, ha’u sei perdua nia dala hira? To’o dala hitu?” 22Jesus hatan ba nia: “Ha’u dehan ba o: la’os to’o dala hitu, maibe to’o hitu nulu dala hitu.”

23“Tan ne’e, reinu lalehan nian hanesan liurai ida nebe hakarak sisi tusan ba nia atan sira. 24Wainhira nia hahu sisi, sira lori mai ema ida nebe iha tusan osan rihun sanulu. 25Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. 27Tan hanoin nia, atan ne’e nia na’i husik nia ba hodi kasu nia tusan. 28Wainhira atan ne’e sai housi neba, nia hetan nia maluk ida nebe debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ 29Nia maluk monu ain ba nia hodi harohan: ‘Pasiensia uitoan ho ha’u, ha’u sei fo fali buat hotu ba o.’ 30Maibe nia lakohi sadia nia hodi haruka maluk ne’e ba dadur laran to’o nia selu nia tusan hotu. 32Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; 33o la bele hanoin o nia maluk atan hanesan ha’u hanoin o?”