3a Semana Tempu Kuaresma, Segunda-feira, loron 13, fulan Marsu, 2023 March 13, 2023
Reflection on the WORD
Maluk sira mak Kristu hadomi,
Lia-los – Hakanek : Iha evangelho ohin nian, Jesus revela mai ita lia-los ne’ebé hakanek ba Nia maluk sira iha Nazare, katak Na’i Maromak labele serbísu ba Israel ne’ebé kontinua rejeita Nia. Sira hirus no hakarak atu oho Nia. Reflete; “ wainhira ita-nia loko-an kle’an tebes, bele estraga ita relacionamento ne’ebé precioso tebes no bele mós afeta ita nia fiar iha Maromak.
Fr. Philip Heng, S.J.
Lk 4:24 – 30
24Nia dehan teni ba sira: “Tebes, Ha’u dehan ba imi katak ema la simu profeta ida iha nia rai rasik. 25Ha’u dehan lo-los ba imi: iha Elias nia loron, iha feto faluk barak iha Israel, wainhira lalehan taka metin ba tinan tolu no fulan neen nia laran; rai tomak hamlaha boot; 26maibe Maromak la haruka Elias ba feto faluk sira ne’e ida. Nia haruka deit ba feto faluk iha Sarepta, iha rai Sidonia. 27Iha Eliseu nia loron mos, iha ema moras lepra barak iha Israel, maibe sira ida deit mak hetan isin diak, katak Naaman housi rai Siria.” 28Rona tiha liafuan hirak ne’e, ema hotu iha sinagoga laran laran nakali teb-tebes. 29Sira hamriik hodi duni sai Nia housi sidade; hodi lori Nia to’o rai tatinis iha foho leten, iha nebe sira nia sidade hamriik hela, atu soe tun Nia housi neba. 30Maibe Jesus liu housi sira le’et, la’o tuir nia dalan.
Today's Pointers on God's Word
As you read the passage what words, phases or meanings caught your attention?
- · Ema Judeu sira hanesan “Povo escolhido” sira la gosta ema gentiu sira. Maibé Jesus trata Judeu no Gentiu sira ho dignidade ne’ebé hanesan.
- · La gosta malu no hirus iha racismo taka ita nia matan ba realidade ne’ebé lós katak ita nia dignindade mai hosi Maromak ne’ebé kria ita ba Nia kriatura ne’ebé precioso tebes. Laiha raça ida ne’ebé superior liu raça seluk.
- · Reza ba hamornia racial no paz iha mundu especialmente ba nasaun sira ne’ebé sofre injustiça tamba racismo no religioso no injustiça kontra humanidade.