DGEMs

Maluk sira mak Kristu hadomi,

“We Moris nian” – Fiar : Iha evangelho ohin nian, Jesus konvida feto Samaritana ne’ebé iha la’en barak ba konversaun, no simu “We Moris nian husi Nia, ne’ebé fó forsa rohan laek. Reflete; “Wainhira ita deseja ksolok iha moris, ita hakbesik ba Jesus ou ba sasan sira mundo nian?

Fr. Philip Heng, S.J.

Jesus ho feto Samaritana

                  . 4Maibe, Nia ten ke la’o liu housi rai Samaria. 5Nune’e, Nia to’o iha Samaria nia sidade ida, naran Sikar, besik to’os nebe Jacob fo ba nia oan Jose. 6Jacob nia bematan iha neba. Jesus kole ona tan la’o rai; nune’e Nia tur iha bematan nia sorin. Loron besik fahe rua ona. 7Feto Samaria nian ida mai kuru be. Jesus dehan ba nia: “Fo be mai Ha’u atu hemu.”

. 9Feto ne’e dehan ba Nia: “Oin sa mak Ita, ema Judeu ida, husu be hemu nian housi ha’u, feto Samaritana ida?” Basa Judeu sira la hakbesik ema Samaritanu sira. 10Jesus simu hodi dehan: “O hatene karik Maromak nia presente, no se los mak dehan ba o ‘Fo be mai Ha’u atu hemu,’ o mak sei husu ba Nia, no Nia sei fo be moris ba o.” 11Feto dehan ba Nia: “Na’i, Ita kanaban la iha, bematan mos klean; Ita nia be moris mai housi nebe los? 12Ita kala boot liu fali ami nia aman Jacob nebe fo bematan ne’e mai ami? Nia rasik hemu, nia oan sira, nia balada sira mos hemu.” 13Jesus hatan ba nia dehan: “Ema hotu nebe hemu be ne’e sei hamrook fali; 14maibe ema nebe hemu be nebe Ha’u sei fo sei la hamrook ba nafatin, maibe be nebe Ha’u fo ba nia sei sai nudar bematan nebe suli ba moris rohan laek iha nia laran.”