DGEMs

Maluk sira mak Kristu hadomi,

“Na’i Maromak nia domin Misericordioso” : Iha evangelho ohin nian, Jesus proklama kona-bá aiknanoik “Oan ne’ebé soe hela uma/filho pródigo”, ba cobrador do imposto sira no maksalak sira; katak Na’i Maromak ne’ebé iha domin misericordioso ne’e kompletamente perdua ema hotu-hotu. Reflete; “Ita perdua ho ita nia fuan tomak ka la’e? ou ita rai ódio no vingança? Reza ba Na’i Maromak atu haraik grasa kura nian ba ita hodi hetan Na’i nia damen iha ita nia fuan.”

Fr. Philip Heng, S.J.

Bibi nebe lakon

1Publikano no maksalak sira hotu hakbesik Jesus atu rona Nia. 2Fariseu no eskriba sira hamu’u dehan: “Ema ne’e simu maksalak sira hodi han hamutuk ho sira.” 3Tan ne’e, Nia haktuir ba sira aiknanoik ida ne’e:

Oan nebe soe hela uma

11Nia dehan tan: “Ema ida iha oan mane na’in rua. 12Ida kiik dehan ba nia aman: ‘Aman, fo mai ha’u buat nebe ha’u nian.’ Aman ne’e fahe tiha nia rikusoi ba sira. 13Liu tiha loron ruma, oan kiik ne’e halibur nia rikusoi tomak, hodi ba rai dook ida; iha neba nia halo naben nia rikusoi tomak, hodi moris aat liu. 14Nahas tiha nia sasan tomak, rai neba hamlaha boot. Nia mos hahu hetan susar. 15Tan ne’e nia husu serbisu ba ema rai na’in ida, nebe haruka nia ba hein fahi iha nia to’os. 20Nune’e, hamriik tiha, nia ba hasouru nia aman. Nia sei dook hela, nia aman hare ona nia, hanoin teb-tebes nia, hodi halai ba hasouru nia, hakoak no rei nia. 22Maibe aman ne’e dehan ba nia atan sira: ‘Lori mai lalais unuk furak liu, hodi fo hatais nia; tau kadeli ba nia liman, sapatu ba nia ain. 23Lori mai karau oan bokur ida atu oho. Ita sei han hemu hodi halo festa. 24Basa ha’u nia oan ida ne’e mate tiha, moris fali; nia lakon tiha, hetan fali.’ No sira hahu halo festa.”