2a Semana Tempu Kuaresma, Segunda-feira, loron 06, fulan Marsu, 2023 March 6, 2023
Reflection on the WORD
Maluk sira mak Kristu hadomi,
“Na’i Maromak nia Grasa” : Iha evangelho ohin nian, Jesus lia tun ba nia discípulo sira katak, saida de’it mak ita fahe ho ema seluk tamba domin ba Na’i Maromak, Nia sei fó fila fali mai ita barak liu tan. Reflete; “Triste tebes wainhira ema barak sei kaer metin ba riku soin sira mundo nian, to’o tempu ne’ebé tarde liu ona atu muda; iha toba fatin mate nian ita foin arrepende katak ita la uza Na’i Maromak nia Grasa sira ho diak.”
Fr. Philip Heng, S.J.
Lk 6:36 - 38
Laran luak
36Buka sai ema laran luak hanesan imi nia Aman laran luak. 37Keta hanoin aat ema, no ema sei la hanoin aat imi; keta duu matak ema, no ema sei la duu matak imi. Fo perdua ba, no imi sei hetan perdua. 38Fo ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basa imi sura oin sa ba ema, nune’e mos ema sei sura ba imi.”
Today's Pointers on God's Word
As you read the passage what words, phases or meanings caught your attention?
- · Laiha ema ida mak perfeitu, so Maromak de’it. Dala barak ita haré de’it mak ema seluk nia salah kiik oan sira, maibé ita la hare salah iha ita nia-an. Labele julga ema seluk maibé buka atu reconhece buat diak barak iha sira.
- · Evangelho ohin nian konvida ita atu hatudu generosidade bo’ot iha ita nia relasionamentu ho ema seluk; la’os de’it iha parte financial maibé mós iha kompreensaun, simu malu, kompaisaun, no perdaun. Wainhira ita generoso ho ema seluk ita sei simu barak liu fali.
- · Hanesan Kristaun ita tenke kontinuamente hanoin Na’i Maromak nia domin mai ita maski wainhira iha situasaun ne’ebé ladun diak. Hanesan Kristu nia discípulo ita tenke hatutan domin misericordioso no generosidade especialmente ba ema marginalizado sira.