DGEMs

Maluk sira mak Kristu hadomi,

“Sinal sira” – “Fé”: Iha evangelho ohin nian, Jesus haksiak ema lubun bo’ot tamba sira husu “sinal” hodi hatudu katak Nia mak “Mesias” maski sira lakoi atu fiar Liafoun Diak ne’ebé Nia haklaken. Reflete; “ Wainhira ita iha fiar ida ne’ebé kle’an, esperança no domin ba Jesus no ita iha sinceridade hodi buka moris tuir Na’i Maromak nia hakarak, ita sei hetan duni sinais barak husi Na’i Maromak”.  

Fr. Philip Heng, S.J.

Jonas nia sinal

            29Wainhira ema lubun boot halibur tiha an, Nia dehan: “Otas ne’e otas aat duni; ema sira husu sinal ida, maibe sinal mesak nebe sei fo ba sira mak sinal Jonas nian. 30Basa, hanesan Jonas sai sinal ida ba ema rai Ninive nian, nune’e mos Oan Mane sei sai sinal ida ba ema sira housi otas ne’e. 31Iha loron tesi lia nian, liurai feto tasimane nian sei hamriik hasouru ema sira ne’e hodi tesi lia todan ba sira; basa nia mai housi mundu nia rohan atu rona Salomao nia matenek, no iha ne’e iha Ida nebe boot liu fali Salomao. 32Iha loron tesi lia nian, Ninive nia oan sira sei hamriik hasouru ema sira ne’e, hodi tesi lia todan ba sira; basa wainhira Jonas haklaken Maromak nia liafuan, sira hakribi sira nia sala, maibe iha ne’e iha Ida nebe boot liu fali Jonas.”