DGEMs

Maluk sira mak Kristu hadomi,

“Justisa iha loron ikus”- Fiar: iha evangelho ohin Jesus haklaken kona-bá Justisa iha loron ikus” wainhira Maromak sei halo justisa ba ema ne’ebé di’ak (soin) hodi simu prêmiu moris rohan la’ek no sira ne’ebé sei hetan terus eternamente iha infernu. Reflete ba! Maromak nia justisa sei la’o nafatin wainhira ita kontinua hatudu Kristu Nia domin, kompaixaun no perdaun iha ita nia moris tomak.

Fr. Philip Heng, S.J

Justisa iha loron ikus

31“Wainhira Oan Mane mai iha nia gloria no nia  anju sira hotu hamutuk ho Nia, Nia sei tur iha nia kadunan gloria nian. 32Povu hotu sei halibur an iha nia oin. Nia sei haketak ema sira hanesan bibi atan haketak bibi malae housi bibi Timor. 34Tuir mai, liurai sei dehan ba sira nebe iha nia sorin kuana: ‘Mai, imi nebe Ha’u Aman fo bensa, mai simu nudar liman rohan reinu nebe hadia tiha ba imi houri mundu hahu. 35Basa Ha’u hamlaha, imi fo han Ha’u; Ha’u hamrook, imi fo hemu Ha’u; Ha’u la’o rai, imi simu Ha’u; 36Ha’u isin tanan, imi fo hatais Ha’u; Ha’u moras, imi ba hare Ha’u; Ha’u iha dadur laran, imi ba hare Ha’u.’ 37Iha oras ne’e ema diak sira sei hatan ba Nia: ‘Na’i, wainhira los mak ami hare Ita Boot hamlaha, ami fo han; hamrook, ami fo hemu? 38Wainhira los mak ami hare Ita Boot la’o rai, ami simu; eh ho isin tanan, ami fo hatais? 39Wainhira los mak ami hare Ita moras eh iha dadur laran, ami ba hare Ita?’ 40Liurai sei hatan ba sira: ‘Tebes, Ha’u dehan ba imi: wainhira imi halo buat ne’e ba ha’u nia alin kiik sira ne’e ida, imi halo mai Ha’u rasik.’”