6a Semana Tempu Komun: Sábadu, loron 18, fulan Fevereiro, 2023 February 18, 2023

Reflection on the WORD

Maluk sira mak Kristu hadomi,

“Jesus Nia transfigurasaun” - Fiar: Iha evangelho ohin, Pedro, Tiago no João hetan privilejiu espesial hodi sai sasin ba Jesus Nia transfigurasaun (nakfila-an) natureza divina. Reflete ba! wainhira ita esperimenta prezenti divina: vizaun, konsolasaun espiritual ne’ebé kle’an, haksolok iha Maromak, entaun agradece ba Maromak no labele desvaloriza esperiênsia kmanek hirak ne’e.

Fr. Philip Heng, S.J.

Mk 9:2-9

Jesus nakfila An

            2Liu tiha loron ne'en, Jesus lori Pedro, Tiago no Joao mesa-mesak ba foho aas ida. Nia nakfila An iha sira nia oin. 3Nia hena sira sai nabilan liu, mutin teb-tebes; ema fase roupa ida iha rai ne'e la bele halo mutin liu tan. 4Hafoin Moises no Elias mosu ba sira hodi koalia ho Jesus. 5Pedro koalia dehan ba Jesus: “Mestre, diak tebes mai ami horik ona iha ne'e! Ami halo takabaluk tolu; ida ba Ita, ida ba Moises no ida ba Elias.” 6Basa nia la hatene atu dehan sa los, tan sira tauk teb-tebes. 7Kalohan ida tun mai, taka sira. Housi kalohan ne'e, sira rona lia ida dehan: “Ida ne'e mak Ha’u Oan doben. Imi rona Nia ba!” 8Teki-teki, sira hare ba sorin sorin maibe la hare tan ema ida; Jesus mesak deit ho sira. 9Tun dau-daun housi foho, Jesus haruka sira la bele haktuir ba ema ida buat nebe sira hare, molok Oan Mane moris hi’as housi mate.

Today's Pointers on God's Word

As you read the passage what words, phases or meanings caught your attention?

  • ·       Jesus lori Pedro, Tiago no João ba iha foto leten aas ida (foho simboliza besik ba Maromak) no iha sira nia prezensa hetan Jesus experiência transfigurasaun.
  • ·       Esperiênsia espiritual ida ne’e hanesan prezente ida hodi haforsa no hametin Pedro, Tiago no João sira nia fiar iha Jesus. Sira experimenta konsolasaun espiritual profunda hodi sai testemuña ba Jesus Nia divindade no Kristu Nia glória ne’ebé sei mai.
  • ·       Wainhira Maromak hametin ita nia fiar, Nia mós prepara ita atu hodi ita nia kruz ne’ebé ita sei hasoru iha moris lor-loron. Ita nunka bele moris iha ta’uk nia laran no rejeita lori kruz iha ita nia moris.  Maibé ita tenki fokus hodi hakle’an ita nia relasaun ho Na’i Maromak.