6a Semana Tempu Komun: Sesta-feira, loron 17, fulan Fevereiro, 2023 February 17, 2023
Reflection on the WORD
Maluk sira mak Kristu hadomi,
“La’o tuir Jesus”-Fiar:Iha evangelho ohin, Jesus klaramente dehan ba nia eskolante sira, “ema ne’ebé hakarak tuir ha’u, nia sei hakribi nia-an rasik, simu nia kruz hodi la’o tuir ha’u. Reflete ba! atu tuir Jesus besik liutan, ita tenki husik ita nia-an husi riku soin no haraik-an. Ita hakarak sai Jesus nia eskolante ho sinceridade, fó prioridade ba ema seluk nia d’iak no fidelidade?
Fr. Philip Heng, S.J.
Mk 8:34-38
34Hafoin Jesus bolu fali ema lubun boot ho nia eskolante sira hodi dehan ba sira, “Ema nebe hakarak tuir Ha’u, nia sei hakribi nia an rasik, simu nia krus hodi la'o tuir Ha’u. 35Basa, ema nebe hakarak soi nia moris sei lakon nia; maibe ema nebe lakon nia moris tamba Ha’u no tan liafuan diak sei soi nia.36Ema manan sa los wainhira nia manan mundu tomak maibe lakon nia moris? 37Eh ema sei troka sa los ba nia moris? 38Ema nebe moe kona ba Ha’u no ha’u Nia liafuan sira iha otas maksalak no foer ne'e nian, Oan Mane mos sei moe kona ba nia wainhira Nia mosu mai iha Nia Aman nia kmanek ho Nia anju santu sira.”
Today's Pointers on God's Word
As you read the passage what words, phases or meanings caught your attention?
- · Jesus dezafia Nia eskolante sira atu ezamina sira nia prioridade moris nian hodi dehan “Ema manan sa los wainhira nia manan mundu tomak maibé lakon nia moris?”
- · Jesus mós fó desafia hanesan mai ita. Buat saida los no ema se los mak ita hadomi teb-tebes no ita sakrifika ita-an ba? Ita hadomi duni Jesus liu husi ema, sasan, no dezeju ne’ebé kle’an iha ita nia moris? Ita hatuur Jesus iha ita nia esperiênsia moris nian ka la’e?
- · Eskolante lolos maka ida ne’ebé banati tuir Jesus iha buat hotu ne’ebé Nia hanoin no halo iha Nia moris. Oinsa ita prátika ita nia vokasaun nu’udar eskolante Jesus nian iha moris lor-loron?