DGEMs

Maluk sira mak Kristu hadomi,

Ezijensia Jesus Nian-Faith: iha evangelho ohin, Jesus hateten ba Nia eskolante sira katak Lia fuan di’ak Salvasaun nian eziji ita atu tau Maromak nu’udar sentru iha ita nia moris: justisa, dame no unidade ne’ebé promove respeito no bali ema hotu. Reflete; ba, ita prátika ita nia fiar ne’ebé ita prefesa ho sinceridade hodi tuir Jesus Nia dalan no virtude sira?

Fr. Philip Heng, S.J.

20Basa ha'u dehan ba imi katak imi nia justisa la boot liu eskriba no fariseu sira nian karik, imi sei la tama iha reinu lalehan.” 21“Imi rona katak uluk ema dehan ba ita nia bei ala sira: ‘Keta oho; no ema sei tesi lia ba ida nebe oho.’  22Ha'u fali dehan ba imi; ‘Ema nebe laran nakali hasouru nia maun alin sira, ema sei tesi lia hasouru nia; ema nebe dehan ba nia maun alin: ‘beik’ sei hatan iha Sinedriu; no ema nebe dehan ‘bulak’ sei trus iha ahi infernu nian.’

27“Imi rona ema dehan; ‘O keta sala ho ema nia kaben.’ 28Maibe Ha'u dehan ba imi; ‘Ema nebe hateke ba feto ida hodi kaan nia, nia halo ona sala foer ho nia iha nia laran.’

33“Imi mos rona uluk ema dehan ba bei ala sira: ‘Keta jura falsu, maibe halo tuir juramentu nebe o jura iha Na’i.’ 34Maibe Ha'u dehan ba imi: ‘Imi la bele jura kona ba buat naran ida. Keta jura hodi lalehan basa ne’e Maromak nia kadunan; 37Maibe imi sei koalia hanesan ne'e: Nune'e, nune'e; la nune'e, la nune'e. Liu fali ne'e, mai housi ida nebe aat.’”