DGEMs

Maluk sira mak Kristu hadomi,

 “Milagre husi ikan no paun” – Fiar: Iha evangelho ohin, Jesus Nia fuan kanek teb-tebes tamba ema lubun boot ne’ebé maka hamalaha. Reflete; ema lubun boot iha espíritu ne’ebé boot tebes hodi rona Jesus. Nune’e Jesus rekompensa/fó prêmio ba sira ho milagre kompaixaun nian. Wainhira ita prátika ita nia fiar ho espíritu ne’ebé badinas no boot, Jesus mós sei nunka failla hodi abensoa ita ho kompaixaun, atensaun no domin ne’ebé boot tebes.

Fr. Philip Heng, S.J.

Jesus fo han ema rihun hat

            1Iha tempu neba, ema lubun boot ida halibur an. Sira aihan la iha. Tan ne'e, Jesus bolu nia eskolante sira hodi dehan ba sira, 2“Ha’u hanoin ema sira ne'e; sira hela ona ho Ha’u loron tolu no sira aihan la iha. 3Ha’u haruka sira ba uma ho kabun mamuk karik, sira sei monu iha dalan. Sira balun mai housi dook.” 4Eskolante sira hatan ba nia: “Iha fatin fuik ne'e, ema bele habosu sira ne'e hotu ho paun housi los nebe?” 5Nia husu ba sira, “Imi iha paun fuan hira?” “Hitu,” sira hatan. 6Nia haruka sira atu tur iha rai, kaer paun fuan hitu ne'e, fo agradese, silu hodi fo ba eskolante sira atu fahe. Sira fahe duni ba ema sira hotu. 7Iha mos ikan kiik balun. Nia fo bensa ba sira ne'e, no haruka atu fahe ba ema sira. 8Sira han to'o bosu. Sira halibur hamutuk paun rahun resin luhu hitu nakonu. 9Ema sira ne'e besik rihun haat.