5a Semana Tempu Komun: Segunda-feira, loron 6 fulan Fevereiro 2023 February 6, 2023
Reflection on the WORD
Maluk sira mak Kristu hadomi,
“Halai tuir Jesus”-Fiar: Iha evangelho ohin, ema lubun boot halai tuir Jesus. Sira lori ema moras ba Jesus atu kura. Reflete, atu hetan isin di’ak fizikamente hosi Jesus sem iha transformasaun espiritual ne’ebé profunda hosi Jesus, ne’e temporaria no superfisial. “Kurativu lolos lori ita ba moris iha evangelho ne’ebé Jesus hanorin kona-bá salvasaun eterna nian.
Fr Philip Heng, S.J
Mk 6:53-56
Jesus fo isin diak ba moras sira
53Wainhira sira hakur tiha ona ba tasi nia sorin balun, Jesus ho nia eskolante sira la'o ba Genesare. Ro kona rai iha neba. 54Wainhira sira tun tiha housi ro, ema barak hatene kedas Nia. 55Sira halai ba knua nebe besi-besik hodi lori fali ema moras sira iha sira nia tobafatin ka biti, ba fatin nebe sira rona katak Jesus horik hela. 56Wainhira Nia tama iha knua eh sidade ruma, ka la'o iha dalan, sira tau ema moras sira iha fatin luan ida hodi husu Nia atu husik sira kona nia hatais nia ninin. Sira hotu nebe kona nia hetan isin diak.
Today's Pointers on God's Word
As you read the passage what words, phases or meanings caught your attention?
- · Evangelho São Marcos nian hahú hosi kapitulu ida to’o neen haktuir buat kmanek ne’ebé Jesus halo iha Nia misaun: kura ema moras, perdua ema salan, no hanorin ema sira kona-bá Maromak Nia Reinu ne’ebé atu mai.
- · Jesus hanorin hela ita oinsa atu serbí ita nia maluk sira. Atu lori ema ba konyese Kristu, primeiru ita tenki hatudu ba sira katak ita tau matan ka kuidadu sira. Ikus mai, ema tau atensaun liu ba ita nia hahalok di’ak hodi kuidado sira duke ita nia liafuan.
- · Atende ba ema nia nesesidade fiziku no emosional hatudu katak ita kuidado sira. Iha tempu ne’ebé hanesan ita introduz Maromak Nia Liafuan ba sira hodi hatudu oinsa Na’i Maromak mos tau matan ba sira. Ida ne’e sinal ida atu lori ema ba Maromak liu hosi ita nia hahalok kmanek.