4ª Semana Tempu Komun: Sábadu, loron 4 fulan Fevereiro 2023 February 4, 2023
Reflection on the WORD
Maluk sira mak Kristu hadomi,
“Juventude sira nia fiar ohin loron”: Iha evanjelho ohin, ema lubun boot hatudu sira nia dezeiju profunda tebes hodi tuir Jesus iha fatin hot-hotu. Reflete, “ohin Juventude hosi igreja no mundu sekular iha dezeiju kle’an atu hetan moris ne’ebé iha nia valor no buka Lialos, dame no domin Maromak Nian. Keta matan delek ba realidade ida ne’e; hakbesik-an ba sira.”
Fr Philip Heng, S.J.
Mk 6:30-34
Milagre uluk paun ninian
30Apostolu sira fila halibur an ho Jesus, hodi haktuir ba Nia buat hotu nebe sira halo no hanorin.31Nia lia tun ba sira dehan: “Mai mesak ba fatin fuik ida atu tur halimar uitoan.” Basa ema barak tebes la'o mai la'o ba, sira la biban atu han. 32Sira sa'e ro hodi hadook an ba fatin fuik ida. 33Ema hare sira dada an, no ema barak hatene kedas. Nune'e, housi knua sira hotu, ema barak halai housi rai, no to'o uluk liu sira iha fatin neba. 34Wainhira Jesus tun housi ro, Nia hetan ema lubun boot ida. Nia hanoin ema sira ne'e teb-tebes, basa sira hanesan bibi nebe bibi atan la iha. Nia hahu hanorin sira buat barak.
Today's Pointers on God's Word
As you read the passage what words, phases or meanings caught your attention?
- · Jesus ho Nia eskolante sira fizikamente kolen teb-tebes no hamblahak tanba sira halo misaun Maromak Nian durante loron tomak.
- · Maski nune’e wainhira Jesus hare ema lubun boot nia nesesidade ka preocupasaun moris nian, Jesus Nia domin ba sira liu fali Jesus rasik Nia nesesidades pessoal. Jesus sempre sakrifika Nia-an no proteje ema sira ne’ebé kiak no mukit ho Nia domin liu-liu wainhira ema hamblahak ba lialos salvasaun nian.
- · Wainhira ita iha difikuldae no iha terus nia laran, ita hetan xamada atu hadomi hanesan Kristu hadomi, signifika sempre sakrifika-an no proteje sira ne’ebé mai buka no husu tulun ba ita.