DGEMs

Maluk sira mak Kristu hadomi,

Halo ona Maromak Nia Hakarak: Iha evangelho ohin wainhira Zacarias halo ona Maromak Nia Hakarak hodi hanaran nia oan mane, “João”, Zacarias nia ibun nakloke kedas, nia nanal mamar fali. Reflete kona-bá o nia moris no haré hikas fali ba tempu sira ne’ebé ita simu graca no ksolok boot sira hosi Maromak no wainhira ita halo tuirMaromak Nia Hakarak. Maibé ita esperimenta buat mamuk boot iha ita nia moris wainhira ita husik ita nia vizaun no maneira kloot sira.

Pe. Philip Heng, S.J.

Joao nia moris

            57Wainhira tempu to’o ona ba Isabel, nia tur ahi oan mane ida. 58Rona tiha katak Na’i hatudu laran luak boot ba nia, nia maluk no parenti sira haksolok ho nia. 59Liu tiha loron ualu, sira mai atu halo sirkunsisaun kosok oan nian. Sira hakarak hanaran nia Zacarias, tuir nia aman; 60maibe nia inan dehan: “Lae, nia naran Joao.” 61Sira dehan fali ba nia: “Iha imi nia parenti sira le’et la iha ema ida ho naran ne’e.” 62Tan ne’e, ho sinal oi-oin, sira husu ba nia aman: nia hakarak fo naran sa ba nia oan. 63Nia husu surat tahan ida hodi hakerek: “Nia naran Joao.” Sira hotu hakfodak. 64Zacarias nia ibun nakloke kedas, nia nanal mamar fali, nia koalia hodi hawelok Maromak. 65Sira hotu nebe hela besik neba tauk teb-tebes. Lia hirak ne’e hotu naklekar iha foho rai Judeia tomak.