2ª Semana do Advento: Segunda-feira, loron 05 fulan Dezembru, 2022 December 5, 2022
Reflection on the WORD
Maluk sira mak Kristu hadomi,
Fiar-Hirus:Iha evangelho ohin, Jesus kura no perdua ema paralítico nia salan, maibé Farizeu no eskriba sira hirus Jesus. Reflete; ita nia fiar profunda no compremetida iha Jesus, ka ita nia fiar superficial, reativo, hirus ema no situasaun nebé la akontese tuir maneira/dalan nebé ita hakarak?
Pe. Philip Heng, S.J.
Lk 5:17a,18-22a,23-25
Ema isin tos ida hetan isin diak
17Loron ida, wainhira Jesus tur hodi hanorin, fariseu no doutor ukunfuan nian balun mos tur iha neba. Sira mai housi knua hotu Galileia nian, housi Judeia no mos housi Jerusalem. Maromak nia kbiit atu fo isin diak hela ho Nia. 18Iha oras neba, ema balun mai lori ema isin mate ida iha nia tobafatin. Sira buka hatama nia ba laran no tau nia iha Jesus nia oin; 19maibe, tamba ema barak, sira la hetan fatin atu hatama nia. Sira sa’e ba uma nia kakuluk no housi tejolo sira, sira hatun nia iha nia tobafatin ba Jesus nia oin iha ema sira le’et. 20Hare tiha sira nia fiar, Jesus dehan: “Katuas, o nia sala sira kasu tiha ona.” 21Eskriba no fariseu sira hahu hanoin: “Se mak ema ne’e nebe hateten aat Maromak? Se mak bele perdua sala sira? Maromak deit mak bele!” 22Maibe Jesus hatene sira nia hanoin. Tan ne’e Nia hatan ba sira dehan: “Imi hanoin sa ida iha imi nia laran? 23Ida nebe mak lalais liu: hateten ‘O nia sala kasu tiha ona’, eh hateten ‘Hamriik, la’o ba’? 24Ne’e duni, atu imi bele hatene katak Oan Mane iha kbiit iha rai atu kasu sala,” Nia dehan ba ema isin mate: “Ha’u haruka o: hamriik ba, foti o nia tobafatin hodi la’o ba o nia uma!” 25Ema ne’e hamriik kedas iha sira nia oin, foti tobafatin nebe uluk nia toba hela no la’o ba uma hodi hahi Maromak.
Today's Pointers on God's Word
As you read the passage what words, phases or meanings caught your attention?
- · Tuir ema Eskriba no Farizeu sira, moras hot-hotu nia huun lolos mak salan (pecado). Nune’e primeiru Jesus perdua ema nia salan hodi hatudu katak Nia iha kbi’it; hafoin nia kura ema paralítico. Jesus Nia kbi’it hodi kura, halo ema Eskriba no Farizeu sira hakfodak teb-tebes no sira labele ona kondena Nia.
- · Maibé iha milagre ne’e, ema paralítico nia belun sira nia fiar mak toka Jesus Nia fuan hodi kura ema paralítico ne’e.
- · Dala hira ona mak ita hetan isin di’ak no Na’i Maromak responde ba ita nia necesidades tanba ita nia fiar metin ba providência Maromak Nian? Ida ne’e mak dalan lolos atu moris ho didi’ak sekarik ita tau atensaun ba Maromak Nia domin no hakle’an ita nia fiar iha Maromak.