1ª Semana do Advento: Sesta-feira, loron 02 fulan Dezembru, 2022 December 2, 2022
Reflection on the WORD
Maluk sira mak Kristu hadomi,
Fiar no konfiansa iha Maromak: Iha evangelho ohin, Jesus kura ema matan delek na’in ruatamba sira nia fiar nebé boot iha Jesus nia kbi’it divina atu halo sira haré hikas fali. Reflete; wainhira ita reza no husu Maromak ba buat sira nebé ita presiza no buat nebé ema presiza; ita reza no husu ho fiar nebé metin ? Se nune’e la’os ka ita esperimenta Jesus sempre hatan/rona ita nia orasaun?
Pe. Philip Heng, S.J.
Mt 9:27-31
Matan delek rua ho monok ida sai diak
27Jesus sai daudaun housi neba, ema matan delek na’in rua tuir Nia hodi hakilar dehan: “David nia Oan, sadia ami.” 28To’o tiha uma, matan delek sira hakbesik ba Nia. Jesus dehan ba sira: “Imi fiar katak Ha’u bele halo buat ne’e?” Sira hatan ba Nia: “Ami fiar, Na’i!” 29Nia kona sira nia matan dehan: “Sai diak ba tuir imi nia fiar!” 30Sira nia matan nakloke. Jesus hateten ba sira ho lia maka’as: “Keta fo hatene buat ne’e ba ema ida.” 31Maibe, sai tiha, sira halo Nia naran sai boot iha rai neba tomak.
Today's Pointers on God's Word
As you read the passage what words, phases or meanings caught your attention?
- · Iha evangelho ohin, Jesus kura mane matan delek na’in rua; Nia mós kura sira nia matan espiritual nian. Hafoin Nia koko sira no hametin sira nia fiar iha Nia kbi’it.
- · Ironikamente ita nia fiar ba Maromak sai boot liutan wainhira ita entrega ita-an ba Nia kbi’it hodi kura ho konfiansa no obidiência.
- · Iha ka buat ruma nebé hafalun netik ita nia matan iha ita nia moris nune’e halo ita la tau konfiansa ba Maromak Nia kbi’it hodi kura? Hanesan mane matan delek na’in rua, reza hodi hetan liberdade tomak hosi Maromak.