Aprezentasaun Virjen Santa Maria: Segunda-Feira, loron 21 fulan Novembru, 2022 November 21, 2022
Reflection on the WORD
Maluk sira mak Kristu hadomi,
Fidelidade ba Maromak nia Hakarak:Iha Evangelho ohin, Jesus lia tun dehan, “ema hotu nebé halo tuir Ha’u Aman lalehan Nia hakarak, ema ne’e mak Ha’u nia maun, Ha’u nia feton no Ha’u nia inan.” Reflete; ita nia relasaun ho Jesus profunda no íntima liu-tan se karik ita bele fiél no moris tuir Aman Maromak Nia hakarak.María perfeitamente halo tuir Maromak Nia hakarak iha nia moris tomak.
Pe. Philip Heng, S.J.
Mt 12:46-50
Jesus nia parenti los
46WainhiraNia sei koalia dau-daun ba ema lubun boot, Nia inan ho Nia maun alin sira to’o mai iha liur hodi buka atu koalia ho Nia. 47Ema ida dehan ba Nia: “Ita nia inan no Ita nia maun alin sira hakarak koalia ho Ita”. 48Jesus hatan ba ida nebe koalia ba Nia: “Se mak Ha’u nia inan, se mak Ha’u nia maun alin sira?” 49Hafoin Nia lolo liman ba nia eskolante sira hodi dehan: “Sira ne’e mak Ha’u nia inan no Ha’u nia maun alin sira. 50Basa ema hotu nebe halo tuir Ha’u Aman lalehan nia hakarak, ema ne’e mak Ha’u nia maun, Ha’u nia feton no Ha’u nia inan.”
Today's Pointers on God's Word
As you read the passage what words, phases or meanings caught your attention?
- · Relasaun sira, liu-liu relasaun ho família ne’e importante teb-tebes. Maibé iha Evangelho ohin, Jesus hatudu mai ita katak María nia relasaun ho Maromak mak importante liu. Tan ne’e mak María husik nia aman no inan no nia hela fatin hodi halo tuir Maromak Nia hakarak.
- · Dalabarak ita hasoru difikuldade atu hili entre Maromak Nia hakarak no ita ema nia hakarak. Jesus haré María hanesan Nia Inan maibé importante liu, Nia considera María nia dezeiju atu halo tuir Aman Maromak Nia hakarak mak sai sentru ba Nia hodi hahí María.
- · María mak sai ita nia mata-dalan hodi ita tau uluk prioridade ba Maromak molok buat seluk. Se karik ita bele moris tuir Maromak Nia hakarak ho di’ak liu-tan, ita bele halo mundansa ba ema nia moris no lori sira ba Maromak di’ak liu-tan.