DGEMs

Maluk sira mak Kristu hadomi,

Fim do mundo - Fiar: Iha evangelho ohin, Jesus insisti Nia escolante sira labele moris iha ta’uk nia laran wainhira Maromak Nia reinu to’o mai.  Maibé konsentra ba tempo iha ne’e no agora hodi sira moris tuir Maromak Nia hakarak. Reflete ba, Ita moris iha ta’uk nia laran tan de’it fim do mundo? Sekarik ita nia domin ba Jesus profunda; ita nia ta’uk sira sei certamente menus no lakon.

Pe. Philip Heng, S.J.

Maromak Nia Reinu To’o Ona

20Fariseu sira husu wainhira mak Maromak nia reinu sei to’o. Nia hatan ba sira dehan: “Maromak nia reinu la mai hodi hatudu an. 21Ema ida la bele dehan: ‘Mak ne’e,’ eh ‘Mak neba;’ basa Maromak nia reinu iha ona imi le’et.”

22Tuir mai Nia dehan ba nia eskolante sira: “Loron sei to’o wainhira imi sei hakarak hare Oan Mane nia loron ida, no imi sei la hare. 23Ema sira sei dehan ba imi: ‘Nia mak ne’e,’ eh ‘Nia mak neba.’ Keta ba, keta tuir. 24Basa nudar railakan nabilan housi lalehan nia hun to’o nia rohan, nune’e mos sei mosu iha Oan Mane nia loron. 25Maibe uluk knanain Nia sei terus boot, ema housi otas ne’e sei hakribi Nia.