DGEMs

Maluk sira mak Kristu  hadomi,

Resurreisaun-Fiar: Iha Evangelho ohin, Jesus hirus teb-tebes hodi duni sai ema troka osan sira husi templo no dehan katak wainhira sira sobu tiha templo ne’e, refere ba Jesus Nia isin; Nia sei harí fali templo ne’e iha loron tolu nia laran. Reflete; ita nia fiar iha Resurreisaun profunda tebes ona hodi ultrapassa sentimento sira ta’uk kona-bá mate nian?

Pe. Philip Heng, S.J.

Jesus hamos templu

                    13Besik dau-daun ona Judeu sira nia Paskua, Jesus sa’e ba Jerusalem. 14Iha templu laran, Nia hetan ema nebe fa’an karau, bibi no falur, ho ema sira nebe troka osan tur hela iha sira nia meja. 15Nia bobar tali hamutuk, hodi duni sai housi templu bibi no karau sira. Nia halo namtate ba rai ema troka osan sira nia osan, hodi taka fila meja sira. 16Ba sira nebe fa’an falur, Nia dehan: “Hasai buat hirak ne’e housi ne’e: keta halo Ha’u Aman nia uma sai uma kontratu nian.” 17Eskolante sira hanoin kedas liafuan nebe hakerek: “Tan laran manas tau matan ba Ita Boot nia uma, mak Ha’u lakon Ha’u an.” 18Judeu sira husu ba nia: “Sinal nebe mak O fo mai ami atu hatudu katak  O bele halo nune’e?” 19Jesus hatan ba sira dehan: “Sobu tiha templu ne’e, Ha’u sei harii fali nia iha loron tolu nia laran.”